சன் ஆப் சத்யமூர்த்தி (தெலுங்கு)

அல்லு அர்ஜுன் நடிப்பில் மின்னுகிறார். காமெடியிலும் கலக்கி இருக்கிறார். சண்டை காட்சிகளிலும் பட்டையை கிளப்பி உள்ளார். மொத்தத்தில் படத்திற்கே முதுகெலும்பாக இருக்கிறார். சமந்தாவின் அழகு மற்றும் நடிப்பு நிறைவாக உள்ளது. நித்யா மேனன் சிறிய அளவில் வந்தாலும் முக்கியமான ரோலில் நடித்திருக்கிறார். அழகு பதுமையாக ஆதா ஷர்மா வலம் வருகிறார். ராஜேந்திர பிரசாத்தும், பிரம்மானந்தமும் இணைந்து அனைவரையும் நன்றாவே சிரிக்க வைக்கின்றனர்.

சமீபத்தில் பத்ம ஸ்ரீ பட்டம் பெற்ற கோட்டா ஸ்ரீனிவாச ராவ், எம் எஸ் நாராயண போன்றோர் தங்களது கதாபாத்திரத்திற்கு வலு சேர்த்துள்ளனர்.பிரபல கன்னட நடிகர் உபேந்த்ராவும், சினேகாவும் தங்களது கதாபாத்திரமாகவே மாறி விடுகின்றனர்.

படத்தின் முதல் பாதி கதையை இன்னும் வேகமாக நகர்த்தி இருக்கலாம். பிரபல நடிகர் வெண்ணிலா கிஷோரை இன்னும் நன்றாக பயன்படுத்தி இருக்கலாம். பாடல்கள் நன்றாக இருந்தாலும் சில நேரங்களில் அந்த கட்டத்தில் பாட்டு தேவைதானா என்று யோசிக்க வைக்கின்றது.

இயக்குனர் திரிவிக்ரம் ஒரு குடும்பத்தில் இயல்பாக நடக்கும் விஷயங்களை அழகாக சொல்லி அதே வேளையில் நல்ல பொழுதுபோக்கு படமாகவும் கொடுத்துள்ளார். தேவி ஸ்ரீ பிரசாத்தின் இசை தாளம் போட வைக்கின்றது. பிரசாத் முரெல்லாவின் கமெரா நன்றாக விளையாடி இருக்கின்றது.

மொத்தத்தில் சன் ஆப் சத்யமூர்த்தி அப்பாவுக்கு மரியாதை