Dinamalar

'வாழ 2' வெற்றியை தொடர்ந்து 'வாழ 3' உடனடி அறிவிப்பு

மலையாளத்தில் கடந்த 2024ல் 'வாழ' திரைப்படம் வெளியானது. 'குருவாயூர் அம்பல நடையில்' மற்றும் 'ஜெய ஜெய ஜெய ஜெய ஹே' உள்ளிட்ட வெற்றி படங்களை இயக்கிய இயக்குனர் விபின் தாஸ் கதை எழுதி இந்த படத்தை தயாரித்திருந்தார். பள்ளியில் படிக்கும் மாணவர்களின் பிரச்னைகள், அது குடும்ப உறவினர்கள் மத்தியில் ஏற்படுத்தும் தாக்கம் ஆகியவற்றை மையப்படுத்தி வெளியான இந்த படம் மிகப்பெரிய வெற்றியை பெற்றது.

இதனைத் தொடர்ந்து இந்த படத்தின் இரண்டாம் பாகமும் விபின் தாஸ் கதையிலேயே சமீபத்தில் வெளியாகி ஒரு வாரத்திற்குள் 100 கோடி வசூலை தொட்டு வெற்றி படமாக அமைந்துள்ளது. இந்த நிலையில் தற்போது சூட்டோடு சூடாக 'வாழ' படத்தின் மூன்றாம் பாகத்திற்கான அதிகாரப்பூர்வ அறிவிப்பையும் தயாரிப்பாளரும் கதாசிரியருமான விபின் தாஸ் அறிவித்துள்ளார். முதல் இரண்டு பாகங்களும் ஆண்களை மையப்படுத்தி உருவாகி இருந்த நிலையில் மூன்றாவது பாகம் முழுக்க முழுக்க பெண்களை மையப்படுத்தி உருவாக இருக்கிறது.

இதைக் குறிக்கும் விதமாக ஒரு பில்லியன் பெண்களின் சுயசரிதை என இந்த படத்திற்கு டேக்லைன் கொடுத்துள்ளார்கள் மூன்று பாகங்களுக்கும் விபின் தாஸ் தான் கதை எழுதி இருக்கிறார் என்றாலும் கூட முதல் பாகத்தை இயக்குனர் ஆனந்த் மேனன் இயக்கினார். இரண்டாம் பாகத்தை சவின் எஸ்.ஏ என்பவர் இயக்கி இருந்தார். இந்த மூன்றாம் பாகத்தை விஸ்வன் ஸ்ரீஜித் என்பவர் இயக்க உள்ளார்.

• 
  'கடார் 3' உறுதி ; அமிஷா பட்டேல் வெளியிட்ட தகவல்
• 
  மூன்றாம் பாலினத்தவர்கள் கடவுளின் குழந்தைகள்: ஆசிம் கெதர்பால்
• 
  வாரிசு நட்சத்திரங்களால் பல வாய்ப்புகளை இழந்தேன் ; கிர்த்தி சனோன் வேதனை
• 
  ராகினி எம்எம்எஸ் 3 திரில்லர் படத்தில் இணைந்த தமன்னா
• 
  கிரிக்கெட் வீரர் பயோபிக்கில் மீண்டும் இணையும் 'லகான்' கூட்டணி

• 
  விஜய் தேவரகொண்டாவின் பிறந்த நாளில் வெளியான 'ரவுடி ஜனார்த்தனா' போஸ்டர்!
• 
  'திரிஷ்யம்-3' வெற்றி பெற்றால் 4, 5ம் பாகமும் உருவாகும்!- மோகன்லால் ...
• 
  'திரிஷ்யம் 2'வில் இடம்பெறாத கலாபவன் சாஜன் 'திரிஷ்யம் 3'ல் ரீ என்ட்ரி
• 
  பிரேமலு காமெடி நடிகருடன் மமிதா பைஜு ஜோடியாக நடிக்கும் புதிய படம் ...
• 
  பெத்தி படப்பிடிப்பு தளத்திற்கு இயக்குனர் சுகுமாருடன் விசிட் அடித்த ...