டான்ஸ் ஜோடி டான்ஸ் : இறுதிப்போட்டியில் சிவகார்த்திகேயன்

ஜீ தமிழில் ஒளிபரப்பாகி வரும் "டான்ஸ் ஜோடி டான்ஸ் ரீலோடட்" நிகழ்ச்சியின் கிராண்ட் பினாலே வருகிற டிசம்பர் 9 ஆம் தேதி ஒளிபரப்பாக உள்ளது. முதல் மூன்று சீசன்களின் வெற்றியைத் தொடர்ந்து "டான்ஸ் ஜோடி டான்ஸ் ரீலோடட்" நிகழ்ச்சிக்கும் மக்களிடம் நல்ல வரவேற்பு கிடைத்தது. இந்நிலையில், தற்போது அந்த நிகழ்ச்சி இறுதிக்கட்டத்தை எட்டியுள்ளது. அகிலா - பிரிட்டோ, நிஹாரிகா- கென்னி, பிரீத்தா சுரேஷ் - டொமினிக், வைஷ்ணவி - அவினாஷ் மற்றும் சரவண முத்து - தீக்ஷிகா ஆகியோர் இறுதிப்போட்டியில் தங்கள் முழுத்திறமையுடன் பலபரீட்சை செய்யவுள்ளனர். பிரம்மாண்டமாக நடைபெறவுள்ள இந்த இறுதிச்சுற்றில் நடிகர் சிவகார்த்திகேயன் சிறப்பு விருந்தினராக கலந்து கொள்கிறார். அதற்கான போஸ்டர்களும் புரோமோக்களும் இணையத்தில் தற்போது வைரலாகி வருகின்றன. இந்த நிகழ்ச்சி ஞாயிறு மாலை 6மணிக்கு ஒளிபரப்பாகிறது.