விஷ்ணுவிடம் புரொபோஸ் செய்த சவுந்தர்யா

பிக்பாஸ் வீட்டில் முன்னாள் போட்டியாளரான விஷ்ணு, தற்போது பிக்பாஸ் சீசன் 8ல் பங்கேற்றுள்ள சவுந்தர்யாவுக்காக என்ட்ரி கொடுத்துள்ளார். இந்த சீசனில் ப்ரீ டாஸ்க்கில் போட்டியாளர்களின் காதலர்கள் அதிகமாக உள்ளே நுழைந்துள்ளனர். விஷாலுக்கு நேஹா, அருணுக்கு அர்ச்சனா என காதல் ஜோடிகளின் ரொமாண்டிக் டிராமா சற்று தூக்கலாக இருக்கிறது.

அந்த வகையில் சவுந்தர்யாவுக்காக என்ட்ரி கொடுத்துள்ள விஷ்ணுவிடம், பிக்பாஸ் வீட்டில் அனைவரது முன்னிலையிலும் சவுந்தர்யா தன்னை திருமணம் செய்து கொள்ளும்படி புரொபோஸ் செய்துள்ளார். இதன்மூலம் பல நாட்களாக தங்களுக்குள் சர்ப்ரைஸாக வைத்திருந்த காதலை விஷ்ணு - சவுந்தர்யா ஜோடி நேயர்களுக்கு வெளிப்படையாக அறிவித்துள்ளனர்.