சின்னத்திரைக்கு திரும்பிய ஜீவா : புதிய சீரியலில் நாயகனாக நடிக்கிறார்

கலர்ஸ் தமிழ் தொலைக்காட்சியின் புதிய சீரியலில் ஜீவா தங்கவேல், ஸ்ரித்தா சிவதாஸ் இணைந்து நடிக்கின்றனர். சீரியலுக்கான புரோமோவை இருவரும் தங்களது சமூக ஊடகங்களில் பகிர்ந்துள்ளனர்.

விஜய் டிவியில் லொள்ளு சபா நிகழ்ச்சியின் மூலம் புகழ் பெற்ற ஜீவா, தொடர்ந்து கனா காணும் காலலங்கள் தொடரில் நடித்தார். அதன் பின் வெள்ளித்திரைக்கு சென்றார். தற்போது நீண்ட இடைவெளிக்கு பின் மீண்டும் சின்னத்திரை நாயகனாக களமிறங்குகிறார்.

கலர்ஸ் தமிழின் "எங்க வீட்டு மீனாட்சி" என்ற புதிய நெடுந்தொடரில் சிதம்பரம் என்ற கதாபாத்திரத்தில் நாயகனாக ஜீவா நடிக்கிறார். அவருக்கு ஜோடியாக ஸ்ரித்தா சிவதாஸ் மீனாட்சி என்ற கதாபாத்திரத்தில் நடிக்கிறார். இந்த தொடரின் புரோமோவை இருவரும் தங்கள் சமூக ஊடகங்களில் பகிர்ந்துள்ளனர். அதை பார்த்த ரசிகர்கள் இருவருக்கும் தங்கள் வாழ்த்துகளை தெரிவித்து வருகின்றனர்.