கெட்டப்பை மாற்றிய அருண் பிரசாத் : பாரதி கண்ணம்மா சீரியல் ஓவரா?

பாரதி கண்ணம்மா சீரியலில் ஹீரோவாக நடித்து வருகிறார் அருண் பிரசாத். நீண்ட நாட்களாக ஒரே லுக்கில் இருந்து வந்த அருண் பிரசாத் தற்போது தனது கெட்டப்பை மாற்றி புது லுக்கில் போஸ் கொடுத்துள்ளார். மேலும், நீண்ட நாட்களுக்கு பிறகு பாரதியை மறந்து நானாக இருக்கிறேன் என்று வீடியோ வெளியிட்டுள்ளார். இதை பார்த்த ரசிகர்கள் பலரும் "பாரதிய மறந்துட்டீங்களா? அப்போ சீரியல் முடிஞ்சு போச்சா"? என கேள்வி கேட்டு வருகின்றனர்.

ரோஷினி, பரீனா சீரியலை விட்டு விலகிய பின் புது நடிகை வினுஷா கண்ணம்மாவாக நடித்து வருகிறார். முதலில் டிஆர்பியில் சறுக்கிய பாரதி கண்ணம்மா சீரியல் இப்போது மீண்டும் முதலிடத்தை பிடித்துள்ளது. விறுவிறுப்பான திருப்பங்களுடன் சென்று கொண்டிருக்கும் பாரதி கண்ணம்மா தொடர் தற்போதைய நிலையில் முடிவதற்கு வாய்ப்பில்லை என்றே தெரிய வருகிறது. மேலும் சீரியல் முடியப்போவது குறித்து தயாரிப்பு குழு தரப்பிலிருந்தோ தொலைக்காட்சி தரப்பிலிருந்தோ எந்தவொரு அதிகாரப்பூர்வ அறிவிப்பும் வெளியாகவில்லை என்பது குறிப்பிடத்தக்கது.