பிரமயுகம் படத்தின் பர்ஸ்ட் லுக் வெளியானது

மலையாள சினிமாவில் நடிகர் மம்முட்டி முன்னனி நடிகராக இருந்தாலும் வித்தியாசமான கதைகளை தேர்தெடுத்து ரசிகர்களை கவரும் படங்களில் அவ்வப்போது நடித்து வருகிறார். தற்போது வித்தியாசமான ஹாரர் த்ரில்லர் படமாக உருவாகும் " பிரமயுகம்" படத்தில் நடிக்கிறார். ராகுல் சதாசிவன் இயக்கும் இப்படத்தை நைட் சிப்ட் ஸ்டுடியோஸ் மற்றும் ஒய் நாட் ஸ்டுடியோஸ் நிறுவனங்கள் இணைந்து தயாரிக்கின்றனர்.

சமீபத்தில் இதன் படப்பிடிப்பு பூஜையுடன் தொடங்கி நடைபெற்று வருகிறது. இந்த நிலையில் இன்று படத்தின் பர்ஸ்ட் லுக் படக்குழுவினர்கள் வெளியிட்டுள்ளனர். குறிப்பாக இதில் மம்முட்டி பாம்புகள் உடன் வாழும் மந்திரவாதி கதாபாத்திரத்தில் நடித்து வருகிறார் என்பது குறிப்பிடத்தக்கது. 2024ல் இப்படம் மலையாளம், தமிழ், தெலுங்கு, கன்னடம், ஹிந்தி ஆகிய மொழிகளில் வெளியாகும் என தெரிவித்துள்ளனர். மம்முட்டிக்கு இன்று பிறந்தநாள் என்பதால் இந்த பட பர்ஸ்ட் லுக்கை வெளியிட்டுள்ளனர்.