![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
வயது 42 ஆனாலும், திரையுலகில் 22 ஆண்டுகளாக முன்னணி நடிகையாக வலம்வரும் த்ரிஷா
மே 04, 2025
Advertisement
திரையுலகில் ஆண்கள் 70 வயதைக் கடந்தாலும் கதாநாயகர்களாக நடித்துக் கொண்டிருக்கிறார்கள். தங்கள் மகள் வயது, 20 பிளஸ் கதாநாயகிகளுடன் ஜோடி சேர்ந்து ஆடிப் பாடுகிறார்கள். ஆனால், நடிகையருக்கு வயதானாலோ, திருமணமானாலோ அவர்களுக்கு வாய்ப்புத் தர மறுப்பது சில பல வருடங்களுக்கு முன்பு வரை இருந்தது.
ஆனால், சமீப காலமாக அந்த நிலை மாறிவிட்டது. திருமணமானாலும், குழந்தை பெற்றாலும், வயது அதிகரித்து வந்தாலும் நடிகையரும் கதாநாயகியாகவே தொடர்ந்து நடித்து வருகிறார்கள். அப்படியான தமிழ் நடிகைகளில் கடந்த 22 வருடங்களுக்கும் மேலாக தொடர்ந்து முன்னணி நடிகையாக இருப்பவர் த்ரிஷா. இன்று அவருக்கு 42 வயது நிறைவடைந்து 43வது வயது ஆரம்பமாகிறது. வயதுக்கான தகவல் உபயம் விக்கிபீடியா, அதனால் த்ரிஷா ரசிகர்கள் கோபித்துக் கொள்ள வேண்டாம்.
தமிழ், தெலுங்கு, ஒரே முறை ஹிந்தி, எப்போதாவது மலையாளம் என தொடர்ந்து ரசிகர்கள் மனதில் இடம் பிடித்து வருகிறார். தமிழில் "தக் லைப், சூர்யா 45", தெலுங்கில் "விஷ்வம்பரா", மலையாளத்தில் "ராம்" என மூன்று மொழிகளிலும் பிஸியாக இருக்கிறார்.
போட்டி நிறைந்த, ஆணாதிக்கம் நிறைந்த சினிமா உலகில் இத்தனை வருடங்கள் தாக்குப் பிடித்து நிற்பதே தனி சாதனைதான். இனிய பிறந்தநாள் வாழ்த்துகள் த்ரிஷா…
த்ரிஷாவின் பிறந்தநாளை முன்னிட்டு தமிழில் அவர் நடித்து "தக் லைப்" படக்குழு, சிறப்பு போஸ்டரை வெளியிட்டு த்ரிஷாவை வாழ்த்தி உள்ளது. அதேபோல் தெலுங்கில் சிரஞ்சீவியுடன் நடித்துள்ள "விஷ்வம்பரா" குழுவினர் த்ரிஷாவின் "அவனி" என்ற கதாபாத்திர அறிமுகத்துடன் போஸ்டரையும் வெளியிட்டுள்ளார்கள். இதில் தக்லைப் ஜூன் 5ம் தேதியும், விஷ்வம்பரா அக்டோபர் 30ம் தேதியும் ரிலீசாகிறது.
வாசகர்கள் கருத்துகள்
முதல் நபராக கருத்து தெரிவியுங்கள்!