![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
கில்லி ரீரிலீஸ் - முதல் நாள் வசூல் 8 கோடி?
ஏப் 21, 2024
Advertisement
2004ம் ஆண்டு விஜய், திரிஷா நடித்த "கில்லி" படம் முதல் முறை வந்த போது கூட முதல் நாளில் இவ்வளவு வசூலை அள்ளியிருக்க முடியாது. பண மதிப்பில் வித்தியாசம் இருக்கலாம். ஆனாலும், நேற்றைய ரீ-ரிலீசில் "கில்லி" படம் சுமார் 8 கோடி ரூபாய் வசூலித்துள்ளதாக முதல் கட்டத் தகவல்கள் தெரிவிக்கின்றன. ரீரிலீஸ் படங்களில் இதுவரை வெளிவந்த முந்தைய படங்களின் சாதனையையும் "கில்லி" முறியடித்துள்ளதாம்.
அது மட்டுமல்ல நேற்று படம் பார்த்தவர்களின் எண்ணிக்கையும் ஒரு சாதனையில் சேர்ந்துள்ளது. இந்த 2024ம் ஆண்டில் முதல் நாளில் ஒரு படத்திற்குத் தியேட்டர்களுக்கு வந்து படம் பார்த்தவர்களின் எண்ணிக்கையும் அதிகமாக அமைந்துள்ளது. புதிய படங்களுக்குக் கூட அவ்வளவு பேர் வரவில்லையாம்.
படம் வெளியான பல தியேட்டர்களில் ரசிகர்கள் பாடல்களுக்கு எழுந்து நடனமாடுவது, பன்ச் வசனங்கள் வரும் போது கூடவே சேர்ந்து கத்திப் பேசுவது என தியேட்டர்களில் கொண்டாடி வருகிறார்களாம்.
வாசகர்கள் கருத்துகள்
முதல் நபராக கருத்து தெரிவியுங்கள்!