பழம்பெரும் காமெடி நடிகர் பஸ்டர் கீட்டன் வாழ்க்கை சினிமா ஆகிறது

ஹாலிவுட்டின் கருப்பு வெள்ளை காலத்தில் அதாவது சார்லி சாப்ளின் காலத்தில் அவரைப்போன்றே காமெடி நடிகராக புகழ்பெற்றிருந்தவர் பஸ்டர் கீட்டன். சார்லி சாப்ளின் வாழ்க்கை சினிமாவாக தயாரானது போன்று தற்போது பஸ்டர் கீட்டனின் வாழ்க்கையும் தயாராக இருக்கிறது.

இதனை ஜேம்ஸ் மேங்கோல்ட் இயக்கவுள்ளார். இவர் இரண்டு ஆஸ்கர் விருதுகளை வென்ற போர்ட் வெசஸ் போர்ட் என்ற படத்தை இயக்கியவர். தற்போது ஜேம்ஸ் மேங்கோல்ட் நடிக்கும்"இண்டியானா ஜோன்ஸ் 5" படத்தை இயக்கி வருகிறார். இப்படம் அடுத்த ஆண்டு வெளியாகவுள்ளது.

பஸ்டர் கீட்டன் 1917 முதல் 1941 வரை சார்லி சாப்ளினுக்கு இணையான நடிகராகவும், இயக்குநராகவும் விளங்கியவர். இவரது வாழ்க்கை "பஸ்டர் கீட்டன்: கட் டு தி சேஸ்" என்ற பெயரில் புத்தகமாக வெளிவந்துள்ளது. இதை தழுவி படம் தயாராகிறது. இப்படம் பஸ்டர் கீட்டனின் இளமை கால வாழ்க்கை, அவர் சந்தித்த அவமானங்கள், அவரது வெற்றிகள் அவரது வீழ்ச்சிக்கு காரணமான குடிப்பழக்கம் ஆகியவற்றைப் பற்றி பேசவுள்ளதாக கூறப்படுகிறது.