விருமன் படப்பிடிப்பு நிறைவு

முத்தையா இயக்கத்தில், யுவன் ஷங்கர் ராஜா இசையமைப்பில், கார்த்தி, அதிதி ஷங்கர் மற்றும் பலர் நடிக்கும் படம் "விருமன்". இப்படத்தின் படப்பிடிப்பு கடந்த செப்டம்பர் மாதம் ஆரம்பமானது. மூன்றே மாதங்களில் படப்பிடிப்பை நிறைவு செய்துள்ளார்கள்.

கார்த்தியின் அண்ணன் சூர்யா தயாரிக்கும் இப்படத்தில் இயக்குனர் ஷங்கரின் மகள் அதிதி ஷங்கர் கதாநாயகியாக அறிமுகமாகிறார். முத்தைய, யுவன் கூட்டணி முதல் முறை இணைந்திருக்கும் படம் இது. "கொம்பன்" படத்திற்குப் பிறகு கார்த்தி, முத்தையா கூட்டணி மீண்டும் இப்படத்தில் இணைந்துள்ளது.

படப்பிடிப்பு நிறைவடைந்தது பற்றி கார்த்தி டுவிட்டரில், “விருமன்" நிறைவடைந்தது. இயக்குனர் முத்தையா, ஒளிப்பதிவாளர் செல்வகுமார் ஆகியோரது சரியான திட்டமிடல், நிர்வாகம். அதிதி ஷங்கருக்கு வாழ்த்துகள். உங்கள் அற்புதமான பயணத்திற்கு, கேரியருக்கு, நீங்கள் யதார்த்தமாக நடிக்கிறீர்கள். மீண்டும் யுவன் இருப்பது மகிழ்ச்சி. நன்றி தயாரிப்பாளர் சூர்யா, 2டி என்டர்டெயின்மென்ட், பை பை தேனி,” எனப் பதிவிட்டுள்ளார்.