மாநகரம் இந்தி ரீமேக்கில் விஜய்சேதுபதி

லோகேஷ் கனகராஜ் இயக்கத்தில் அவரது முதல் படைப்பாக வெளியாகிய மாநகரம் படம் மிகப்பெரிய வெற்றியை பெற்றது. இந்தப்படம் கொடுத்த வெற்றியின் மூலம், கார்த்தி, விஜய், கமல் என முன்னணி நடிகர்களை வைத்து இயக்கும் அளவுக்கு உயர்ந்தார் லோகேஷ் கனகராஜ். இந்தநிலையில் இந்தப்படம் தற்போது இந்தியில் ரீமேக் செய்யப்பட உள்ளது. இந்தியில் இதற்கு "மும்பைகார்" என டைட்டில் வைத்துள்ளனர். பிரபல ஒளிப்பதிவாளர் சந்தோஷ் சிவன் இந்தப்படத்தை இயக்குகிறார். ஷிபு தமீன்ஸ் இந்தப்படத்தை தயாரிக்கிறார்.

இந்தப்படத்தின் நான்கு மைய கதாபாத்திரங்களில் ஒருவராக விஜய்சேதுபதி நடிக்கிறார்.. இந்த தகவலை படத்தின் பர்ஸ்ட் லுக் போஸ்டருடன் அவரே பகிர்ந்து கொண்டுள்ளார். மற்ற கதாபாத்திரங்களில் விக்ராந்த் மாசே, தன்யா மாணிக்தலா, ரன்வீர் ஷோரே, சஞ்சய் மிஸ்ரா, சச்சின் கெடேகர் உள்ளிட்டோர் நடிக்கின்றனர். ஏற்கனவே அமீர்கானின் லால்சிங் சத்தா படத்தில் நடிப்பதாக இருந்து அதன்பின் அந்தப்படத்தில் இருந்து விலகிய விஜய்சேதுபதிக்கு இந்தியில் இதுதான் முதல் படம் என்பது குறிப்பிடத்தக்கது...