தமிழில் ரீமேக்காகும் மலையாள வாமனன்

மலையாள திரையுலகில் வெற்றி பெறும் பல படங்கள் அவ்வப்போது தமிழில் ரீமேக் செய்யப்பட்டு வருவது வாடிக்கையாக நடந்து வருகிறது. கடந்த வருடம் மலையாளத்தில் வெளியான தி கிரேட் இந்தியன் கிச்சன் படம் கூட தற்போது ஆர் கண்ணன் இயக்கத்தில் ஐஸ்வர்யா ராஜேஷ் நடிப்பில் அதே பெயரில் ரீமேக் செய்யப்பட்டு வரும் டிசம்பர் 30-ஆம் தேதி வெளியாக இருக்கிறது. இதைத்தொடர்ந்து மலையாளத்தில் கடந்த வாரம் வெளியாகி விமர்சன ரீதியாக வெற்றி பெற்ற வாமனன் என்கிற படமும் தமிழில் ரீமேக் செய்யப்பட இருக்கிறது என அதன் இயக்குனர் ஏபி பினில் தற்போது தெரிவித்துள்ளார்.

இந்த படத்தில் மலையாள நகைச்சுவை மற்றும் குணச்சித்திர நடிகரான இந்திரன்ஸ் கதையின் நாயகனாக நடித்துள்ளார். த மேன் வித் ஷேடோ என்கிற டேக் லைனுடன் ஹாரர் திரில்லராக இந்தப்படம் வெளியாகி இருந்தது. இந்திரன்ஸ் நடித்த கதாபாத்திரத்தில் தமிழில் ஒரு பிரபல நடிகர் நடிக்க ஒப்புக்கொண்டுள்ளதாகவும் இதுகுறித்த விரிவான அறிவிப்பு விரைவில் வெளியாகும் என்றும் படத்தின் இயக்குனர் ஏபி பினில் கூறியுள்ளார்.