கலவையான விமர்சனங்களில் தி கோட் - 3வது சிங்கிள்

வெங்கட் பிரபு இயக்கத்தில், யுவன்ஷங்கர் ராஜா இசையமைப்பில், விஜய், மீனாட்சி சவுத்ரி, பிரசாந்த், பிரபுதேவா மற்றும் பலர் நடிக்கும் படம் "தி கோட்". இப்படத்தின் மூன்றாவது சிங்கிளாக "ஸ்பார்க்" பாடல் நேற்று மாலை வெளியானது.

ஒரு அதிரடியான பாடலாக இருக்கும் என எதிர்பார்த்த விஜய் ரசிகர்களுக்கு இந்தப் பாடல் கொஞ்சம் ஏமாற்றத்தைக் கொடுத்துள்ளது. அவர்களில் பலர் அனிருத் ரசிகர்களாகவும் இருக்க வாய்ப்புண்டு. சமீபகாலங்களில் விஜய் - அனிருத் கூட்டணி "குத்து" பாடல்களாக களமிறக்கி டிரெண்டிங்கில் இருந்தது.

இருந்தாலும் யுவன் ரசிகர்கள் பாடல் நன்றாகத்தான் இருக்கிறது என பதிலுக்கு கமெண்ட் போட்டு வருகிறார்கள். படத்துடன் சேர்ந்து பார்க்கும் போது இந்தப் பாடல்கள் விஜய்யின் நடனத்துடன் இன்னும் ரசிக்க வைக்கும் என்றும் சிலர் கருத்து தெரிவிக்கிறார்கள். கலவையான விமர்சனங்களுக்கிடையில் 42 லட்சம் பார்வைகளை இந்தப் பாடல் கடந்துள்ளது. டிரெண்டிங்கிலும் நம்பர் 1 இடத்தில்தான் உள்ளது.

அதே சமயம், மற்றொரு பக்கம் விஜய்யின் தோற்றத்தைப் பற்றியும் ஒரு குரூப் "டிரோல்" செய்து வருகிறது.