ஆதிபுருஷ் : பிரபாஸின் தம்பி வெளியிட்ட தகவல்

பிரபாஸ் முதன்முறையாக நடிக்கும் புராணப்படமாக உருவாக இருக்கிறது "ஆதிபுருஷ்" என்கிற படம். ஓம் ராவத் என்பவர் இயக்கும் இந்தப்படம் ஒரே நேரத்தில் தெலுங்கு மற்றும் இந்தியில் சுமார் 500 கோடி பட்ஜெட்டில் பிரமாண்டமாக உருவாக இருக்கிறது. ராமாயணத்தை மையமாக கொண்டு உருவாக இருக்கும் இந்தப்படத்தில் பிரபாஸ் ராமராக நடிக்க உள்ளார். அவரை எதிர்க்கும் ராவணனாக பாலிவுட் நடிகர் சயீப் அலிகான் நடிக்கிறார். சீதாவாக கீர்த்தி சனான் நடிக்கிறார்.

இந்தப்படத்தில் பிரபாஸின் சகோதரராக அதாவது லட்சுமணன் கதாபாத்திரத்தில் பாலிவுட் நடிகர் சன்னி சிங் நடிக்கிறார். இதுபற்றி சன்னி சிங் சமீபத்திய பேட்டி ஒன்றில் கூறும்போது, “நானும், பிரபாஸும் இந்தப்படத்திற்காக உடல் எடையை அதிகரிக்கவும் கைகளின் தசைகளையும் வலுவாக்கும் முயற்சியில் இருக்கிறோம். ஆனால் அதற்காக செயற்கையான மருந்துகள் எதையும் எடுத்துக்கொள்ளாமல், இயற்கையான முறையிலேயே தான் பயிற்சி செய்து வருகிறோம்” என கூறியுள்ளார்.