நதிகளிலே நீராடும் சூரியன் : சிம்பு - கவுதம் பட தலைப்பு

கவுதம் மேனன் - சிம்பு பட டைட்டில் வெளியானது

கவுதம் மேனன் இயக்கத்தில் விண்ணைத்தாண்டி வருவாயா, அச்சம் என்பது மடமையடா ஆகிய படங்களில் நடித்தார் சிம்பு. அதையடுத்து லாக்டவுன் காலட்டத்தில் கார்த்தி - ஜெஸ்ஸி ஆகிய இருவரும் போனில் பேசிக்கொள்ளும் உரையாடலை, கார்த்தி டயல் செய்த எண் என்ற பெயரில் குறும்படமாக எடுத்த கவுதம் அதை சோசியல் மீடியாவில் வெளியிட்டார். அதற்கு ரசிகர்கள் மத்தியில் மிகப்பெரிய வரவேற்பு கிடைத்தது.

இந்த நிலையில் மீண்டும் சிம்புவை வைத்து கவுதம் மேனன் புதிய படத்தை இயக்கும் செய்தி சிம்புவின் பிறந்த நாளான பிப்ரவரி 3-ல் வெளியானது. இந்த நிலையில் கவுதம் மேனனின் பிறந்த நாளை முன்னிட்டு நேற்று அப்படத்திற்கு நதிகளிலே நீராடும் சூரியன் என்று டைட்டில் வைக்கப்பட்டிருப்பதாக அறிவிக்கப்பட்டுள்ளது.

காக்க காக்க படத்தில் இடம் பெற்ற ஒன்றா இரண்டா ஆசைகள் என்ற பாடல் வரிகளில் இருந்து இந்த தலைப்பை எடுத்துள்ளார் கவுதம் மேனன். ஐசரிகணேஷ் தயாரிக்கும் இந்த படத்திற்கு ஏ.ஆர்.ரஹ்மான் இசையமைக்கிறார்.