சமீரா ரெட்டி, ரகுல் பிரீத் சிங் வரிசையில் ஸ்ருதிஹாசன் பாக்சிங் பயிற்சி

நடிகர் கமல்ஹாசன் மூத்த மகளான ஸ்ருதிஹாசன், தனது திறமையால் படிபடியாக முன்னேறி முன்னணி நடிகையாக வளர்ந்துள்ளார். தமிழின் முன்னணி நடிகர்களான விஜய், அஜித் உள்ளிட்டவர்களோடும் நடித்துள்ளார். தற்போது தெலுங்கில் பிசியான நடிகையாக மாறியுள்ள ஸ்ருதிஹாசன், "சலார்" படத்தில் பிரபாசுக்கு ஜோடியாக நடித்து முடித்துள்ளார்.

நடிப்பு, நடனம், பாடகி என பன்முக திறமைக்கொண்டு சினிமாவில் பணியாற்றி வருகிறார். சமூக வலைத்தளங்களில் எப்போதும் ஆக்டிவாக இருப்பவர் ஸ்ருதிஹாசன். இந்நிலையில் மும்பையில் வசித்து வரும் ஸ்ருதி, அங்கு முறையாக பாக்சிங் பயிற்சி மேற்கொண்டு வருகிறார்.
இதையடுத்து பயிற்சியாளருடன் வெறித்தனமாக பயிற்சி செய்யும் வீடியோவை தனது இன்ஸ்டாகிராம் பக்கத்தில் ஸ்ருதிஹாசன் வெளியிட்டுள்ளார். இந்த வீடியோ தற்போது வேகமாக வைரலாகி வருகிறது. சமீபகாலமாக நடிகைகள் பாக்சிங் பயிற்சியில் ஆர்வம் காட்டுகிறார்கள். நிவேதா பெத்துராஜ், சமீரா ரெட்டி, ரகுல் பிரீத் சிங் வரிசையில் ஸ்ருதியும் இணைந்துள்ளார்.