17 வயதில் மாடலிங் செய்த போட்டோக்களை வெளியிட்ட ஸ்ருதிஹாசன்

தான் சிறுமியாக இருந்தபோதே தேவர் மகன் படத்திற்காக இளையராஜா இசையில் போற்றிப்பாடடி பெண்ணே என்ற பாடலை சிலருடன் இணைந்து பாடியவர் ஸ்ருதிஹாசன். தொடர்ந்து சினிமாவில் பின்னணி பாடி வரும் அவர், கமல் நடித்த உன்னைப் போல் ஒருவன் படத்தில் இசையமைப்பாளராக உருவெடுத்தார்.

அதையடுத்து 2009ல் லக் என்ற ஹிந்தி படத்தில் கதாநாயகியாக அறிமுகமானார். தமிழில் சூர்யா உடன் 7ம் அறிவு படம் மூலம் நாயகியாக அறிமுகமானார். இப்போது வரை தமிழ், தெலுங்கு, ஹிந்தி என்று பரவலாக நடித்து வரும் ஸ்ருதிஹாசன், தனது பாய் பிரண்டுடன் நெருக்கமான தான் எடுத்துக்கொள்ளும் புகைப்படங்களையும் அவ்வப்போது சோசியல் மீடியாவில் வெளியிட்டு பரபரப்பை ஏற்படுத்தி வருகிறார்.

இந்தநிலையில், தற்போது இன்ஸ்டாகிராமில், தனக்கு 17 வயதாக இருந்தபோது தான் முதன் முதலாக மாடலிங் செய்த போட்டோக்களை பதிவிட்டுள்ளார் ஸ்ருதிஹாசன். 23வது வயதில் லக் ஹிந்தி படத்தில் அறிமுகமான ஸ்ருதிஹாசனுக்கு தற்போது 35 வயது ஆகிறது.