நட்டி ஜோடி ஆனார் ஷில்பா மஞ்சுநாத்

நட்டி நடிக்கும் சைக்கோ திரில்லர் படத்தை புதுமுக இயக்குனர் ஹாரூன் இயக்குகிறார். வேலன் புரொடக்ஷன்ஸ் சார்பில் வி.எம். முனிவேலன் தயாரிக்கிறார். படத்திற்கு இன்னும் டைட்டில் வைக்கவில்லை. இதன் படப்பிடிப்புகள் சென்னையை சுற்றி உள்ள பகுதியில் மும்முரமாக நடந்து வருகிறது.

இந்த நிலையில் இந்த படத்தில் காளி மற்றும் இஸ்பேட் ராஜாவும் இதய ராணியும் படங்களில் நாயகியாக நடித்த ஷில்பா மஞ்சுநாத் நடிப்பதாக அறிவிக்கப்பட்டுள்ளது. படத்தின் முக்கிய வேடங்களில் பிளாக் ஷீப் நந்தினி, பாரதா நாயுடு மற்றும் ப்ரீத்தி ஆகியோர் நடிக்கிறார்கள். இந்தப் படத்திற்கு கார்த்திக் ராஜா இசை அமைக்கிறார். கிறிஸ்டோபர் ஒளிப்பதிவு செய்கிறார்.