லியோ படப்பிடிப்பில் தமிழ் கற்றுக் கொண்ட சஞ்சய் தத்

பிரபல பாலிவுட் நடிகரான சஞ்சய் தத், பிரசாந்த் நீல் இயக்கத்தில் யஷ் நடித்த கேஜிஎப் 2 படத்தில் வில்லனாக நடித்து தென்னிந்திய சினிமாவில் பிரபலமானார். அதையடுத்து லோகேஷ் கனகராஜ் இயக்கத்தில் விஜய் நடித்து வெளியான லியோ படத்தில் வில்லனாக நடித்து தமிழ் சினிமாவிலும் அறிமுகமானார். தற்போது மகிழ்திருமேனி இயக்கத்தில் அஜித் நடித்து வரும் விடாமுயற்சி படத்திலும் வில்லனாக நடித்துக் கொண்டிருக்கிறார். இந்த நிலையில் லியோ படத்தில் நடித்து வந்தபோது தன்னிடத்தில் சஞ்சய் தத், தமிழ் கற்றுக் கொண்டதாக, பிக்பாஸ் சீசன்- 7 சீசனில் போட்டியாளராக இருக்கும் மாயா தெரிவித்து இருக்கிறார். லியோ படப்பிடிப்பின் போது சஞ்சு பாபாவின் தமிழ் பயிற்சியாளராக வாய்ப்பு கிடைத்ததாக குறிப்பிட்டுள்ளார்.