ஒரே மாதிரியான போஸ்ட்டுகளை பதிவிட்ட லோகேஷ் கனகராஜ் - அனிருத்

லோகேஷ் கனகராஜ் இயக்கத்தில் விஜய் நடித்திருக்கும் லியோ படம் அக்டோபர் 19ம் தேதி திரைக்கு வருகிறது. அனிருத் இசையமைத்துள்ளார். பல ஆண்டு இடைவெளிக்கு பிறகு மீண்டும் இப்படத்தில் விஜய்க்கு ஜோடியாக திரிஷா நடித்திருக்கிறார். தற்போது உள்நாடு - வெளிநாடுகளில் இப்படத்தின் டிக்கெட் புக்கிங் விறுவிறுப்பாக நடைபெற்று வருகிறது. மேலும் வருகிற 19-ம் தேதி மற்ற மாநிலங்களில் அதிகாலை 4 மணி காட்சிக்கு அனுமதி கிடைத்த நிலையில், தமிழ்நாட்டில் காலை 9 மணிக்கு தான் முதல் காட்சிக்கு அனுமதி கிடைத்துள்ளது.

இந்த நிலையில் தற்போது லியோ படத்தின் இயக்குனரான லோகேஷ் கனகராஜ், இசையமைப்பாளர் அனிருத் ஆகிய இருவரும் தங்களது எக்ஸ் பக்கத்தில் ஒரே மாதிரியான புகைப்படத்தை பதிவிட்டு உள்ளார்கள். அதன் பின்னணியில் விஜய்யின் போஸ்டர் இடம்பெற்றுள்ளது. அதற்கு முன்பு நின்று இவர்கள் இருவரும் இணைந்த கைகளாக போஸ் கொடுத்துள்ளார்கள். அதோடு, ‛‛locked and Loaded Leo அக்டோபர் 19"" என்றும் பதிவிட்டுள்ளார்கள்.