ஜூலை 1ல் ஆர்ஆர்ஆர் படப்பிடிப்பு மீண்டும் தொடக்கம்

சுதந்திர போராட்ட காலத்து கதையில் ராஜமவுலி இயக்கி வரும் படம் ஆர்ஆர்ஆர். ஜூனியர் என்டிஆர், ராம்சரண், ஆலியாபட் என பலர் நடிக்கும் இப்படம், கொரோனா காரணமாக படப்பிடிப்பு நிறுத்தப்பட்டதால் திட்டமிட்டபடி படத்தை முடிக்க முடியாமல் வெளியிடும் தேதியை அடுத்த ஆண்டு ஜனவரிக்கு தள்ளி வைத்துள்ளனர்.

இந்நிலையில், ஆர்ஆர்ஆர் படத்தின் வசன காட்சிகளை படமாக்கி விட்ட ராஜமவுலி, இன்னும் மீதம் உள்ள இரண்டு பாடல் காட்சிகளை வருகிற ஜூலை 1-ந்தேதியில இருந்து படமாக்க திட்டமிட்டிருப்பதாக செய்திகள் வெளியாகியுள்ளன. அதில் ஒரு பாடல் காட்சியை படமாக்க 30 நாட்களை எடுத்துக் கொள்ளப் போகிறாராம். அந்த வகையில் பாகுபலி படத்தை விடவும் இந்த படத்தின் பாடல் காட்சிகளை மிக பிரமாண்டமாக படமாக்குகிறாராம் ராஜமவுலி.