மகனின் பிறந்தநாளை சிறப்பாக கொண்டாடிய ரோஜா

கடந்த 1992-ம் ஆண்டு ஆர்.கே.செல்வமணி இயக்கத்தில் "செம்பருத்தி" படத்தில் நடிகையாக அறிமுகமானவர் ரோஜா. தமிழ் மட்டுமல்லாது தெலுங்கு, மலையாளம், கன்னடம் ஆகிய மொழிப் படங்களிலும் ஹீரோயினாக நடித்துள்ளார் ரோஜா. 2002-ம் ஆண்டு ஆர்.கே.செல்வமணி - ரோஜா திருமணம் நடைபெற்றது. இத்தம்பதிக்கு ஒரு மகன், ஒரு மகள் உள்ளனர். நடிப்பைத் தாண்டி அரசியலில் நுழைந்த ரோஜா, 2014-ம் ஆண்டு ஆந்திராவின் நகரி தொகுதியில் எம்.எல்.ஏ.வாக தேர்வு செய்யப்பட்டார்.

தற்போது ஆந்திர அரசின் தொழிற்சாலைகள் மற்றும் உள்கட்டமைப்பு கழகத்தின் தலைவராக இருக்கும் ரோஜா தனது கணவர், குழந்தைகளுடன் மகனின் பிறந்தநாளை கொண்டாடியுள்ளார். ஆர்.கே.செல்வமணி - ரோஜா தம்பதியின் மகன் கவுசிக்கிற்கு நேற்று பிறந்தநாள். இதையொட்டி மகனின் பிறந்தநாளை நடிகை ரோஜா கோலாகலமாக கொண்டாடியுள்ளார். பிறந்தநாள் கொண்டாடிய புகைப்படங்களை தனது இன்ஸ்டாகிராம் பக்கத்தில் நடிகை ரோஜா வெளியிட்டுள்ளார். ரோஜாவின் மகனுக்கு ரசிகர்கள் வாழ்த்து தெரிவித்து வருகின்றனர்.