ராஷ்மிகாவுக்கு ஷாக் தந்த மிஷன் மஞ்சு

கன்னடத்தில் அறிமுகமாகி தெலுங்கில் முன்னணி நடிகை எனப் பெயர் வாங்கிய ராஷ்மிகா மந்தனா தமிழில் அடுத்ததாக "வாரிசு" படத்திற்காகக் காத்திருக்கிறார். மிகப் பிரம்மாண்டமாக வெளியாக உள்ள இந்தப் படம் மூலம் அவர் இங்கு இன்னும் பிரபலமாகலாம்.

ஹிந்தியிலும் இந்த வருடம் "குட்பை" படம் மூலம் அறிமுகமானார் ராஷ்மிகா. ஆனால், அந்தப் படம் தோல்விப் படமாக அமைந்தது. அடுத்து அவர் நம்பிக்கையுடன் நடித்து வந்த படம் "மிஷன் மஞ்சு". ஆனால், அப்படக்குழுவினர் படத்தைத் தியேட்டர்களில் வெளியிடாமல் ஓடிடியில் வெளியிட முடிவு செய்து ராஷ்மிகாவுக்கு அதிர்ச்சியைத் தந்துள்ளனர். 2023 ஜனவரி 20ம் தேதி அந்தப் படம் நெட் பிளிக்ஸ் தளத்தில் வெளியாக உள்ளதாக அறிவிப்பு வெளியாகி உள்ளது.

இதனால், தனது மூன்றாவது ஹிந்திப் படமான "அனிமல்" படம்தான் பாலிவுட்டைப் பொறுத்தவரையில் ராஷ்மிகாவுக்கு ஏதாவதொரு திருப்புமுனையைத் தர வேண்டும். தெலுங்கில் "அர்ஜுன் ரெட்டி" படத்தை இயக்கி சந்தீப் வங்கா ரெட்டி இயக்கும் இந்தப் படத்தில் ரன்பீர் கபூர், அனில் கபூர் ஆகியோர் நடிக்கிறார்கள்.