த்ரிஷ்யம்-2வில் நான் இல்லை : ராணா மறுப்பு

மலையாளத்தில் சில வருடங்களுக்கு முன் மோகன்லால், மீனா நடிப்பில் வெளியாகி வெற்றிபெற்ற படம் த்ரிஷ்யம். இந்த படத்தின் இரண்டாம் பாகமும் சமீபத்தில் வெளியாகி வெற்றி பெற்றுள்ளது.. இதனை தொடர்ந்து, ஏற்கனவே தெலுங்கில் ரீமேக்கான அதன் முதல் பாகத்தில் நடித்த வெங்கடேஷ் மீனாவை வைத்தே, தற்போது த்ரிஷ்யம்-2 படத்தின் படப்பிடிப்பும் துவங்கி நடைபெற்று வருகிறது.. இந்தமுறை தெலுங்கு ரீமேக்கையும் ஜீத்து ஜோசப்பே இயக்குகிறார்.

இந்த இரண்டாம் பாகத்தில் படம் முழுதும் வரும் புதிய ஐஜி கதாபாத்திரத்தில் நடிகர் ராணாவை நடிக்க வைக்க பேச்சுவார்த்தை நடந்து வருவதாக சொல்லப்பட்டு வந்தது. அவரும் அவ்வபோது இரண்டு ஹீரோக்கள் கதையில் நடித்து வருகிறார் என்பதால், மறுக்காமல் ஒப்புக்கொள்வார் என எதிர்பார்க்கப்பட்டது. இந்தநிலையில் இந்தப்படத்தில் தான் நடிக்கவில்லை என ஒரு வீடியோ மூலமாக மறுப்பு தெரிவித்துள்ளார் ராணா.