ரசிகர்களிடம் மன்னிப்பு கேட்ட நிகில்

தெலுங்கு சினிமாவில் புதிய முயற்சியில் வித்தியாசமான படங்களில் நடித்து வருபவர் நடிகர் நிகில் சித்தார்த்தா. சமீபத்தில் இவர் நடித்து வெளிவந்த ஸ்பை திரைப்படம் கலவையான விமர்சனங்களைப் பெற்று வசூலிலும் சுமாரான வசூலைப் பெற்றுள்ளது. இந்த நிலையில் நிகில் தனது ரசிகர்களுக்காக மன்னிப்பு கோரி அறிவிப்பு ஒன்றை வெளியிட்டுள்ளார்.

அதன்படி, " ஸ்பை படத்திற்கு தந்த ஆதரவிற்கு நன்றி. இந்த படம் தான் எனக்கு நடித்த படங்களிலேயே முதல் நாளில் அதிக வசூலித்த படம். இதன் மூலம் நீங்கள் என் மீது வைத்திருக்கும் நம்பிக்கை புரிகிறது. ஆனால், எங்களால் சொன்னது போல் இந்த படத்தை தெலுங்கு தவிர தமிழ், ஹிந்தி, மலையாளம், கன்னடம் ஆகிய மொழிகளில் ஒப்பந்த பிரச்சினையால் வெளியிட முடியவில்லை. அமெரிக்காவில் கூட தெலுங்கு பதிப்பு தாமதம் ஆனதால் 350 பிரீமியர் காட்சிகள் ரத்து ஆகியுள்ளது. இதற்காக ரசிகர்களிடம் மன்னிப்பு கேட்டுகொள்கிறேன். இனிவரும் படங்கள் சொன்னது போல் மற்ற மொழிகளில் வெளியாகும் என்று குறிப்பிட்டுள்ளார். அதேபோல் தெலுங்கு சினிமா ரசிகர்களுக்கு எந்த வித சூழ்நிலையிலும் படத்தின் தரம் குறையாமல் நல்ல படமாக ரசிகர்களுக்கு தருவேன்" என்று குறிப்பிட்டுள்ளார் நிகில்.