விடுதலை 2வில் மஞ்சு வாரியர், அனுராக் காஷ்யப்

விஜய் சேதுபதி மற்றும் சூரி நடித்த "விடுதலை" படம் கடந்த ஆண்டு வெளியாகி வரவேற்பை பெற்றது. இந்த ஆண்டு அதன் இரண்டாம் பாகம் வெளிவர இருக்கிறது. முதல் பாகத்தில் விடுதலை போராளியான வாத்தியார் விஜய் சேதுபதியை கான்ஸ்டபிள் சூரி கைது செய்வதோடு முடிந்தது. இரண்டாம் பாகத்தில் விஜய் சேதுபதியின் கேரக்டரே பிரதானமாக இருக்கும் என்று கூறப்படுகிறது.

தற்போது விடுதலை இரண்டாம் பாகத்தின் முதல் பார்வை வெளியிடப்பட்டடுள்ளது. அதோடு இந்த ஆண்டின் இறுதியில் வெளியாகும் என்றும், இதில் மஞ்சுவாரியரும், அனுராக் காஷ்யபும் இணைந்திருப்பதாகவும் அதிகாரபூர்வமாக தெரிவிக்கப்பட்டுள்ளது.

"விடுதலை" இரண்டாம் பாகத்தில் மஞ்சு வாரியர், அனுராக் காஷ்யப் மற்றும் பல நம்பிக்கைக்குரியவர்கள் நடித்திருப்பதில் நாங்கள் மிகவும் மகிழ்ச்சியடைகிறோம். குறிப்பாக, மஞ்சு வாரியரின் நடிப்பு இந்த படத்தில் ரசிகர்களால் பாராட்டப்படும். நடிகர் கிஷோரின் கதாபாத்திரம் இந்தப் படத்தில் தீவிரமானதாக இருக்கும்" என்றார் தயாரிப்பாளர் எல்ரெட் குமார்.