கொரோனாவில் இருந்த மீண்ட மகிமா நம்பியார்

சாட்டை படத்தின் மூலம் தமிழ் சினிமாவுக்கு அறிமுகமானவர் மகிமா நம்பியார். அதன்பிறகு என்னமோ நடக்குது, மொசக்குட்டி, குற்றம் 23, புரியாத புதிர், கொடிவீரன், இரவுக்கு ஆயிரம் கண்கள், மகாமுனி, அசுரகுரு உள்பட பல படங்களில் நடித்தார். தற்போத ஜங்கரன், ஓ மை டாக், ரத்தம் உள்ளிட்ட படங்களில் நடித்து வருகிறார்.

கேரளாவில் உள்ள காசரங்கோட்டில் குடும்பத்தினருடன் வசித்து வரும் மகிமா கொரோனாவால் பாதிக்கப்பட்டு மீண்டுள்ளார். இதுகுறித்து அவர் தெரிவித்திருப்பதாவது: 19 நாட்களுக்கு முன் எனக்கு கொரோனா தொற்று உறுதி செய்யப்பட்டது. முதல் 3 நாட்கள் மிகவும் கடினமாக இருந்தது. தொடர்ந்து கொஞ்சம் கொஞ்சமாக உடல்நிலை தேறி இப்போது நெகட்டிவ் என ரிசல்ட் வந்துள்ளது. டாக்டர்கள், எனது குடும்பத்தார், நண்பர்களுக்கு நன்றி என்றார்.