இறுதிக்கட்டத்தில் மாயோன்

சிபிராஜ், தான்யா ரவிச்சந்திரன், ராதாரவி, ஹரிஷ் பெரடி, கே எஸ் ரவிக்குமார், பகவதி பெருமாள் நடிப்பில் டபுள் மீனிங் புரொடக்சன்ஸ் சார்பில் அருண்மொழி மாணிக்கம் தயாரிப்பில் உருவாகியிருக்கும் படம் மாயோன். அறிமுக இயக்குநர் என். கிஷோர் இயக்கத்தில் தயாராகியிருக்கும் இந்தப் படத்திற்கு ராம்பிரசாத் ஒளிப்பதிவு செய்ய, இசைஞானி இளையராஜா இசையமைத்திருக்கிறார்.

படம் பற்றி இயக்குனர் கிஷோர் கூறியதாவது: படப்பிடிப்புகள் முடிந்து இறுதிகட்ட பணிகள் நடந்து வருகிறது. இது முழுக்க முழுக்க பொழுதுபோக்கு படம். ரசிகர்களுக்கு மிகப்பெரிய விசுவல் ட்ரீட்டாக இது இருக்கும். படத்தின் டீசரை பார்வை திறனற்ற மாற்றுத்திறனாளிகளும் உணர்ந்துகொள்ளும் வகையில் உருவாக்கி, அவர்களை மகிழ்ச்சி அடையச் செய்திருக்கிறோம். என்றார்.