இளையராஜாவின் முதல் மாணவர் லிடியன்

இளம் வயதில் வேகமாக இசையமைத்து சாதனை படைத்தவர் லிடியன் நாதஸ்வரம். தற்போது மலையாளத்தில் மோகன்லாலின் படத்திற்கு இசையமைத்து வருகிறார். இந்நிலையில் இசையமைப்பாளர் இளையராஜாவிடம் இசை நுணுக்கங்களை பயின்று வருகிறார். இளையராஜாவின் இசை ஸ்டுடியோவில் இசை தொடர்பான விஷயங்களை அவரிடம் கற்று வருகிறார் லிடியன்.

இதுப்பற்றி லிடியன் கூறுகையில், ‛‛இசைஞானி இளையராஜா தான் என் இசை ஆசிரியர். மிகவும் அன்புடனும் அக்கறையுடனும் எனக்கு தினமும் இசையை கற்றுக் கொடுக்கிறார். அவருடைய முதல் மற்றும் ஒரே மாணவன் நான் தான் என்று இளையராஜா தன்னிடம் கூறியதாக மகிழ்ச்சி உடன் தெரிவித்துள்ளார். அதோடு இளையராஜாவிடம் பாடம் படிக்கும் புகைப்படங்களையும் பகிர்ந்துள்ளார்.