கூட்டு தயாரிப்பு நிறுவனத்துக்காக சூர்யாவை இயக்கும் லோகேஷ் கனகராஜ்

தமிழ் சினிமாவின் முன்னணி இயக்குனர்கள் ஒருங்கிணைந்து ரெய்ன் ஆன் பிலிம்ஸ் என்ற கூட்டு தயாரிப்பு நிறுவனத்தை தொடங்கி உள்ளனர். மணிரத்னம், சங்கர், ஏ.ஆர்.முருகதாஸ், மிஸ்கின், லிங்குசாமி, சசி, கவுதம் மேனன், வெற்றி மாறன், லோகேஷ் கனகராஜ் மற்றும் பாலாஜி சக்திவேல் ஆகியோர் இதில் பங்குதாரர்களாக இருக்கிறார்கள். இந்த நிறுவனத்தின் முதல் படத்தை லோகேஷ் கனகராஜ் இயக்குகிறார் என்ற தகவல் வெளியானது. அவரது படத்தில் சூர்யா நடிக்கிறார் என்பது லேட்டஸ்ட் தகவல்.

லோகேஷ் கனகராஜ் தற்போது கமல் நடிக்கும் விக்ரம் படத்தின் படப்பிடிப்பில் தீவிரமாக இருக்கிறார். சூர்யா வெற்றி மாறனின் வாடிவாசல், பாண்டிராஜின் எதற்கும் துணிந்தவன் படத்தில் நடித்து வருகிறார். இருவரும் தங்கள் கமிட்மெண்டுகளை முடித்துவிட்டு இந்த படத்தை தொடங்க இருக்கிறார்கள்.

லோகேஷ் கனகராஜ் ஏற்கெனவே சூர்யாவிடம் சொல்லி ஓகே ஆகியிருந்த கதை இது. முதலில் இதனை சூர்யாவின் 2டி எண்டர்டெயின்மெண்ட் நிறுவனம் தயாரிப்பதாக இருந்தது. இப்போது ரெயின் ஆன் பிலிம்சுக்கு மாறி உள்ளது. என்கிறார்கள். விரைவில் அதிகாரபூர்வ அறிவிப்புகள் வெளியாகும் என்று தெரிகிறது.