கண்ணப்பா ரிலீஸ் தள்ளிப்போனது : காரணம் இது தான்

சிவபெருமானின் பக்தரான கண்ணப்ப நாயனாரின் வாழ்க்கையை தழுவி தெலுங்கில் உருவாகி உள்ள பிரமாண்ட சரித்திர படம் ‛கண்ணப்பா". நடிகர் மோகன் பாபுவின் மகன், நடிகர் விஷ்ணு மஞ்சு தயாரித்து, கண்ணப்பராக நடித்துள்ளார். பிரீத்தி முகுந்தன், சரத்குமார், ராகுல் ராமகிருஷ்ணா, பிரம்மானந்தம், மோகன்பாபு உள்ளிட்ட பலர் நடித்துள்ளனர்.

இவர்கள் தவிர்த்து மோகன்லால், பிரபாஸ், அக் ஷய் குமார், காஜல் அகர்வால் ஆகியோர் சிறப்பு வேடத்தில் நடித்துள்ளனர். தெலுங்கு மட்டுல்லாது தமிழ், கன்னடம், ஹிந்தி என பான் இந்தியா படமாக வெளியாகிறது. ஏப்., 25ல் படம் ரிலீஸ் என ஏற்கனவே அறிவித்து இருந்தனர். ஆனால் தற்போது ரிலீஸ் தள்ளி போவதாக அறிவித்துள்ளனர்.

இதுபற்றி விஷ்ணு மஞ்சு வெளியிட்ட அறிக்கையில், ‛‛கண்ணப்பா வெளியீடு தள்ளி வைப்பிற்காக முதலில் வருத்தத்தை பதிவு செய்கிறேன். கண்ணப்பா படம் ஒரு நம்பமுடியாத பயணம். அதை உயர் தரத்தில் கொடுக்க வேண்டும் என நினைக்கிறோம். படத்தில் விஎப்எக்ஸ் பணிகள் முடிய தாமதம் ஆகிறது. இந்த படத்திற்காக எங்கள் குழுவினர் ஓய்வின்றி உழைத்து வருகின்றனர். விரைவில் புதிய ரிலீஸ் தேதி அறிவிக்கப்படும்"" என தெரிவித்துள்ளார்.