ஹீரோ ஆன மகன் விஜய் ஸ்ரீ ஹரி : வனிதா நெகிழ்ச்சி பதிவு

நடிகை வனிதா விஜயகுமாரின் முதல் கணவர் நடிகர் ஆகாஷ். இவர்களின் மகன் விஜய் ஸ்ரீஹரி. இவர் தற்போது பிரபு சாலமன் இயக்கத்தில் உருவாகும் மாம்போ என்ற படத்தில் ஹீரோவாக அறிமுகமாகிறார். தாய்லாந்தில் இப்படத்தின் படப்பிடிப்பு நடைபெற உள்ள நிலையில், விஜய் ஸ்ரீ ஹரியுடன் ஒரு சிங்கமும் முக்கிய கேரக்டரில் நடிக்கிறது. டி .இமான் இசையமைக்கும் இந்த படத்தின் பர்ஸ்ட் லுக் போஸ்டர் தற்போது வெளியிடப்பட்டுள்ளது. அதனை தனது எக்ஸ் பக்கத்தில் பதிவிட்டுள்ள நடிகை வனிதா விஜயகுமார், ஒரு பதிவு வெளியிட்டுள்ளார்.

அதில், எனது மகன் ஹீரோவானதை நினைத்து பெருமைப்படுகிறேன். ரசிகர்களும் மீடியாக்களும் அவருக்கு வாழ்த்து தெரிவிக்க வேண்டும். விஜய் ஸ்ரீ என் மகன் என்பதை பெருமையுடன் சொல்லிக் கொள்வேன். கடவுள் அவனுக்கு அருள் புரிய வேண்டும். இந்த படத்தை இயக்கும் பிரபு சாலமன், எங்களது வழிகாட்டியாக இருந்து வரும் ரஜினிகாந்த் ஆகியோருக்கு எனது நன்றி. இந்த போஸ்டரை பார்த்ததும் என் கண்களில் ஆனந்த கண்ணீர் வடிந்தது என்று பதிவிட்டுள்ளார் வனிதா விஜயகுமார்.

விஜய் ஸ்ரீ ஹரி தன் அப்பா, நடிகர் ஆகாஷ் உடன் வசித்து வருகிறார்.