த எலிபென்ட் விஸ்பரர்ஸ் குழுவைப் பாராட்டிய தோனி, சென்னை சூப்பர் கிங்ஸ்

கார்த்திகி கொன்சால்வெஸ் இயக்கத்தில் உருவான "த எலிபென்ட் விஸ்பரர்ஸ்" என்ற ஆவணக் குறும்படம் ஆஸ்கர் விருது வென்றது. அப்படத்தில் யானை வளர்ப்பாளர்களாக நடித்த கணவன், மனைவியான பொம்மன், பெல்லி ஆகியோரை இந்தியப் பிரதமர் மோடியும் சந்தித்து வாழ்த்து தெரிவித்திருந்தார்.

இந்நிலையில் நேற்று, சென்னை சூப்பர் கிங்ஸ் குழுவினர் படக் குழுவினரை அழைத்து பாராட்டி பெருமைப்படுத்தியுள்ளனர். பொம்மன், பெல்லி ஆகியோருக்கு தனது எண் பதிவிட்ட ஜெர்ஸியை வழங்கி கௌரவித்தார். இன்று டெல்லி அணிக்கு எதிராக நடைபெற உள்ள ஐபிஎல் போட்டியிலும் சிறப்புப் பாராட்டு விழா ஒன்றையும் நடத்த உள்ளதாக சென்னை சூப்பர் கிங்ஸ் நிர்வாகம் அறிவித்துள்ளது.

முதுமலை புலிகள் சரணாலயத்திற்கு யானைகள் நலனுக்கான நன்கொடையையும், படத்தில் பங்கேற்ற அம்மு, ரகு யானைகளுக்கான அன்றாட செலவுகளுக்கான தொகையையும் வழங்க உள்ளார்கள்.