சிவகார்த்திகேயனை இயக்க தயாராகும் சிபி சக்ரவர்த்தி

சிவகார்த்திகேயன் நடித்த டான் என்ற படத்தை இயக்கி அறிமுகமானவர் சிபி சக்ரவர்த்தி. அப்படத்தில் சிவகார்த்திகேயனுடன் பிரியங்கா மோகன், எஸ்.ஜே.சூர்யா, சமுத்திரக்கனி உள்ளிட்ட பலர் முக்கிய வேடங்களில் நடித்தார்கள். 100 கோடி வசூல் சாதனை செய்த இப்படத்திற்கு பிறகு ரஜினி நடிப்பில் சிபி சக்ரவர்த்தி படம் இயக்கப் போவதாக செய்திகள் வெளியான நிலையில், அது உறுதியாகவில்லை.

இந்த நிலையில் மீண்டும் அவர் சிவகார்த்திகேயனிடம் ஒரு கதை சொல்லி ஓகே செய்தவர், அதற்கான ஸ்கிரிப்ட் பணிகளில் பல மாதங்களாக ஈடுபட்டிருந்தார். தற்போது அந்த பணிகளை முடித்துவிட்டு நடிகர் - நடிகையர், டெக்னீஷியன்களை ஒப்பந்தம் செய்யும் ஆரம்ப கட்ட பணிகளை தொடங்கி இருக்கிறார். மேலும், தற்போது அமரன் மற்றும் ஏ.ஆர்.முருகதாஸ் இயக்கும் படங்களில் நடித்து வரும் சிவகார்த்திகேயன், இந்த இரண்டு படங்களையும் முடித்ததும் சிபி சக்ரவர்த்தியுடன் இணைகிறார். அப்படத்தின் படப்பிடிப்பு விரைவில் தொடங்க இருப்பதாகவும் தகவல்கள் வெளியாகி உள்ளன.