கண நேரத்தில் உயிர் தப்பிய பப்லு

தமிழ் சினிமாவில் குழந்தை நட்சத்திரமாக அறிமுகமானவர் பிருத்விராஜ் என்ற பப்லு. பப்லுவுக்கு தற்போது 55 வயதாகிறது. இந்த வயதிலும் இளைஞர்களை போல் சுறுசுறுப்பாக இயங்கி நடிப்பு, டான்ஸ் என அனைத்திலும் கலக்கி வருகிறார். பிட்னஸில் அதிகம் கவனம் செலுத்தி வரும் அவர், அடிக்கடி தனது சமூகவலைதளத்தில் வொர்க்- அவுட் வீடியோக்களை பதிவிட்டு வந்தார்.

இந்நிலையில் சமீபத்தில் அவர் ஜிம்மில் வொர்க்-அவுட் செய்த போது 90 கிலோ எடையை வைத்து உடற்பயிற்சி செய்தார். ஆனால், அது தவறி நேராக அவரது கழுத்திற்கு அருகே விழுந்தது. நல்லவேளையாக அருகே மாஸ்டர் இருந்ததால் பப்லு மேல் முழு எடையும் விழாமல் பிடித்துக்கொண்டார். அதனால் பப்லுவுக்கு பாதிப்பு எதும் ஏற்படவில்லை.

இந்த சம்பவத்தின் வீடியோ சமூக வலைதளத்தில் வைரலாகி வருகிறது. இதை பார்க்கும் ரசிகர்கள் பலர் பதறிப்போய் பப்லுவிடம் நலம் விசாரித்து வருகின்றனர். ஆனால், தான் ஆரோக்கியமாக இருப்பதாக பப்லு தெரிவித்துள்ளார்.