மகனை இயக்குனராக அறிமுகப்படுத்தும் ஷாருக்கான்

பாலிவுட் நடிகர் ஷாருக்கானின் மகன் ஆரியன் கான் நடிகராக சினிமாவில் அறிமுகமாவார் என்று எதிர்பார்க்கப்பட்டு வந்தது. ஆனால் தற்போது தனது மகன் ஆரியன்கான் இயக்குனராக அறிமுகம் ஆகப் போவதாக தனது எக்ஸ் பக்கத்தில் ஒரு பதிவு போட்டு உள்ளார் ஷாருக்கான். அந்த பதிவில், புதுமையாக கதை சொல்லும் முறை, துணிச்சலான காட்சிகள், காமெடி மற்றும் உணர்வுபூர்வமான கதை அம்சத்தோடு மக்களை மகிழ்ச்சிப்படுத்த ஆரியன் கான் வருகிறார் என்று தெரிவித்திருக்கிறார். மேலும் ஷாருக்கான் மகன் ஆரியன் கான் நேரடியாக சினிமாவில் அறிமுகம் ஆகாமல் ஒரு வெப் தொடர் மூலம் இயக்குனர் ஆகிறார். அடுத்த ஆண்டு நெட்பிளிக்ஸ் ஓடிடி தளத்தில் வெளியாகும் இந்த தொடரை ரெட் சில்லீஸ் நிறுவனம் சார்பாக ஷாருக்கானின் மனைவி கௌரி கான் தயாரிக்கிறார்.