டைகர் ஷெராப்புடன் இணைந்த ராஷ்மிகா

இன்றைய தேதியில் நேஷனல் க்ரஷ் என அனைவராலும் குறிப்பிடப்படும் அளவிற்கு தென்னிந்தியாவில் முன்னணி நடிகைகளில் ஒருவராக மாறிவிட்டார் ராஷ்மிகா மந்தனா. குறிப்பாக அல்லு அர்ஜுன் நடித்த புஷ்பா வெளியான பிறகு இவரது மார்க்கெட் வேல்யூ கூடிவிட்டது. அதுமட்டுமல்ல ஹிந்தியிலிருந்து இவருக்கு அழைப்புகள் வர ஆரம்பித்துள்ளன. அந்த வகையில் தற்போது பாலிவுட்டின் இளம் முன்னணி நடிகர் டைகர் ஷெராப்புடன் இணைந்து நடித்துள்ளார் ராஷ்மிகா. ஆனால், இவர்கள் இருவரும் இணைந்து நடித்தது ஒரு விளம்பரப் படத்திற்காகத்தான்.

இந்த தகவலை வெளியிட்டுள்ள ராஷ்மிகா, “இதுநாள் வரை வதந்தியாக இருந்தது இப்போது உண்மையாகி விட்டது.. டைகர் ஷெராப்புடன் தற்போது தான் விளம்பர படத்தில் இணைந்து நடித்து முடித்தேன். அவருடன் நடித்தது ஜாலியான அனுபவமாக இருந்தது” என்று கூறியுள்ள ராஷ்மிகா, படப்பிடிப்பு தளத்தில் தானும் டைகர் ஷெராப்பும் குறும்புத்தனமாக எடுத்துக்கொண்ட வீடியோ ஒன்றையும் தனது சோசியல் மீடியா பக்கத்தில் வெளியிட்டுள்ளார்.