சைப் அலிகான் ஒரு அசுரன் - சொல்கிறார் மாதவன்

புஷ்கர் காயத்ரி இயக்கத்தில் மாதவன் - விஜய்சேதுபதி இணைந்து நடித்த படம் விக்ரம் வேதா. இந்த படத்தை தற்போது ஹிந்தியில் அவர்கள் ரீமேக் செய்து வருகிறார்கள். அதில் சைப் அலி கான் மாதவன் வேடத்திலும், கிருத்திக் ரோஷன் விஜய் சேதுபதி படத்திலும் நடிக்கிறார்கள். இப்படத்தின் முதற்கட்ட படப்பிடிப்பு அபுதாபியில் நடைபெற்ற முடிந்த நிலையில் சைப் அலிகான் சம்பந்தப்பட்ட காட்சிகள் லக்னோவில் படமாக்கி இருக்கிறார்கள்.

இந்த நிலையில் இந்த படத்தில் தமிழில் தான் நடித்த வேடத்தில் நடிக்கும் சைப் அலிகானை பற்றி மாதவன் ஒரு தகவல் கூறியிருக்கிறார். அதில், சைப் அலிகான் ஒரு விதத்தில் தனது இதயத்தையும், மனதையும் செலுத்தினால் அவர் ஒரு வித்தியாசமான அசுரனாக மாறிவிடுவார். அவர் ஒரு தனித்துவமான நடிகர் என்று பாராட்டி இருக்கிறார். மேலும் விக்ரம் வேதா ஹிந்தி ரீமேக் 2022 செப்டம்பர் 30-ஆம் தேதி திரைக்கு வருவதாக அறிவிக்கப்பட்டுள்ளது.