மீண்டும் வருகிறார் இதயம் கதிர்

14 ஆக, 2021 - 06:41 IST

0 கருத்துகள் கருத்தைப் பதிவு செய்ய

எழுத்தின் அளவு:

1991ல் வெளியான இதயம் என்ற படத்தில் இயக்குனரானவர் கதிர். முரளி - ஹீரா நடித்த அப்படம் சூப்பர் ஹிட் அடித்தது. அதையடுத்து உழவன், காதல் தேசம், காதலர் தினம், காதல் வைரஸ் போன்ற படங்களை தொடர்ச்சியாக காதல் கதைகளில் படமாக்கினார். ஆனால் 2002-ல் அவர் தயாரித்து இயக்கிய காதல் வைரஸ் தோல்வியடைந்தது. அதன்பிறகு பல வருடங்களாக படம் இயக்காமல் இருந்தவர் 2016ல் நான் லவ் டிராக் என்ற பெயரில் ஒரு கன்னட படத்தை இயக்கினார்.

இந்நிலையில் தற்போது 19 ஆண்டுகளுக்குப் பிறகு தமிழில் ரீஎன்ட்ரி கொடுக்கும் கதிர், புதுமுக நடிகர் கிஷோர் என்பவரை வைத்து மீண்டும் ஒரு புதுமையான காதல் கதையுடன் களமிறங்கப் போகிறார். இப்படத்தை ஆர்.கே.இண்டர் நேசனல் என்ற நிறுவனம் தயாரிக்கிறது.

கதிர் அளித்த பேட்டி: நாயகன் மட்டுமே புதியவர் மற்றபடி படக்குழுவினர் அனைவருமே உலகத்தரம் மிக்க படைப்பாளிகள். ஏ.ஆர்.ரகுமான் இசையமைக்கிறார். நாசர் முக்கிய பாத்திரத்தில் நடிக்கிறார். படத்தில் நடிப்பவர்கள் மற்ற தொழில்நுட்ப குழுவினர் தேர்வு நடந்து வருகிறது. என் ஒவ்வொரு படமுமே நீண்ட இடைவேளைக்கு பின்பே வந்துள்ளது. இடையில், கதைக்காக சில காலம் கடந்து விட்டது. தற்போது இப்படத்தை ஆரம்பபிப்பதில் மகிழ்ச்சி. காதல், ஆக்சன் கலந்த மியூசிக்கல் படமாக இருக்கும்.

இவ்வாறு அவர் கூறினார்.

Directorkathir

கருத்துகள் (0) கருத்தைப் பதிவு செய்ய

தியேட்டர்கள் சங்கத்தினரின் ...

விக்ரம் 60ஐ முடித்த விக்ரம் - துருவ்

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய