இலங்கையில் சிக்கித் தவிக்கும் பராசக்தி பணியாளர்கள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

இலங்கையில் சிக்கித் தவிக்கும் 'பராசக்தி' பணியாளர்கள்

10 ஏப், 2025 - 10:57 IST

எழுத்தின் அளவு:

சுதா கொங்கரா இயக்கத்தில், சிவகார்த்திகேயன், ரவி மோகன், அதர்வா, ஸ்ரீலீலா மற்றும் பலர் நடித்து வரும் படம் 'பராசக்தி'. தமிழ் சினிமாவில் புதிதாக சில பல பிரம்மாண்டப் படங்களைத் தயாரித்து வரும் டான் பிக்சர்ஸ் இப்படத்தைத் தயாரித்து வருகிறது.

இப்படத்தின் படப்பிடிப்பு சமீபத்தில் இலங்கையில் நடைபெற்றது. படப்பிடிப்பு முடிந்த பின் நடிகர்கள் உள்ளிட்ட முக்கிய கலைஞர்கள் பலரும் சென்னை திரும்பி விட்டனராம். ஆனால், தயாரிப்புப் பணிகளைக் கவனித்து வந்த சிலர் இன்னமும் இலங்கையில் சிக்கித் தவிப்பதாக கோலிவுட் வட்டாரத் தகவல்கள் தெரிவிக்கின்றன.

இலங்கையில் படப்பிடிப்பு நடத்தியதற்கான செலவுத் தொகையை தயாரிப்பு நிறுவனம், அங்கு படப்பிடிப்பு நடத்த ஏற்பாடு செய்த நிறுவனத்திற்கு இன்னும் தரவில்லையாம். அதனால், அவர்களது பாஸ்போர்ட்களை அந்நிறுவனம் வாங்கி வைத்துள்ளதாகச் சொல்கிறார்கள்.

விஜய் நடித்து வெளிவந்த 'தி கோட்' படப்பிடிப்பு இலங்கையில் நடைபெற்ற போது நடந்த செலவுக்கும் அதைத் தயாரித்த நிறுவனம் பாக்கி வைத்துவிட்டுப் போனதாம். அப்படி இந்த 'பராசக்தி' படத்திற்கு நடந்து விடக் கூடாதென்பதுதான் பாஸ்போர்ட் பிடுங்கல் என்கிறார்கள்.

இவ்வளவு பெரிய நிறுவனங்கள் இப்படி நடந்து கொள்ளலாமா என கோலிவுட்டில் உள்ள தயாரிப்பு நிர்வாகிகள் கடிந்து கொள்கிறார்கள்.

'பராசக்தி' படத்தின் அடுத்தகட்ட படப்பிடிப்பு திட்டமிட்டபடி மீண்டும் ஆரம்பமாகவில்லை என்றும் ஒரு தகவல். தயாரிப்பு நிறுவனம், இயக்குனர் சுதா கொங்கரா ஆகியோருக்கிடையே ஏதோ பிரச்சனையாம். சுதாவின் அணுகுமுறையும் படத்தின் நடிகர்களுக்குப் பிடிக்கவில்லை என்று ஒரு பேச்சு.

Parasakthi

Sivakarthikeyan

Ravimohan

Atharva

Sreeleela

Sudhakongara

கருத்துகள் (0) கருத்தைப் பதிவு செய்ய

ஓடிடி இழுபறியில் வீர தீர சூரன்

அல்லு அர்ஜுன் ஸ்டைலை பின்பற்றி ராம் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய