Dinamalar

முறியடிக்கப்படுமா '2.0' வசூல் சாதனை...?

தமிழ் சினிமாவில் அதிக வசூலைக் குவித்த படங்களில் ஷங்கர் இயக்கத்தில், ரஜினிகாந்த், அக்ஷய்குமார், எமி ஜாக்சன் மற்றும் பலர் நடித்த '2.0' படம்தான் முதலிடத்தில் உள்ளது. அப்படம் 600 கோடிக்கும் அதிகமாக வசூலித்துள்ளது என்பது பாக்ஸ் ஆபீஸ் தகவல். அந்தப் படத்தின் வசூல் கடந்த நான்கு வருடங்களுக்கும் மேலாக முறியடிக்கப்படாமல் இருக்கிறது.

கடந்த வருடம் வெளியான 'பொன்னியின் செல்வன்' படத்தின் முதல் பாகம் முறியடிக்கும் என்று எதிர்பார்க்கப்பட்டது. ஆனால், அப்படம் 500 கோடிக்கும் கூடுதலான வசூலுடன் முடிவுக்கு வந்தது. அடுத்து கடந்த மாதம் வெளியான 'பொன்னியின் செல்வன்' படத்தின் இரண்டாம் பாகம் முறியடிக்கும் என்று எதிர்பார்த்தார்கள். ஆனால், முதல் பாகத்தின் வசூலையே முறியடிக்க முடியாமல் இரண்டாம் பாகத்தின் தியேட்டர் வசூல் ஏறக்குறைய முடிவுக்கு வந்துள்ளது.

ரஜினிகாந்த் நடிக்கும் படங்கள்தான் பாக்ஸ் ஆபீஸ் வசூலில் சில பல புதிய சாதனைகளைப் படைத்துள்ளன. அந்த வசூலை வேறு எந்தப் படமும் முறியடிக்கக் கூடாது என்பதுதான் ரஜினி ரசிகர்களின் பேராசையாக இருக்கும். கமல்ஹாசன் நடித்து கடந்த வருடம் வெளிவந்த 'விக்ரம்' படம் தமிழக வசூலில் அதிக லாபத்தைக் கொடுத்த படம் என்று முதலிடத்தில் உள்ளது. அந்த சாதனையை ரஜினிகாந்த் அவர் நடித்து அடுத்தடுத்து வெளிவரும் படங்களின் மூலம் முறியடிப்பார் என அவர்கள் ஆவலுடன் காத்திருக்கிறார்கள். இப்போதைக்கு '2.0' படத்தின் வசூல் முறியடிக்கப்படாத ஒன்றாக இருக்கிறது.

அதை ரஜினிகாந்த்தே அவருடைய அடுத்தடுத்த படங்களில் முறியடிப்பாரா, அல்லது '2.0' படத்தை இயக்கிய ஷங்கரின் இயக்கத்தில் கமல்ஹாசன் நடித்து வரும 'இந்தியன் 2' படம் முறியடிக்குமா, அல்லது வேறு படங்கள் முறியடிக்குமா என்பதற்கு சற்றே பொறுமை காக்க வேண்டும்.

• 
  பாலிவுட்டில் தொடர் தோல்விகளுக்கு முற்றுப்புள்ளி வைப்பாரா பூஜா ஹெக்டே?
• 
  தனது சுயசரிதை படப்பிடிப்புத் தளத்திற்கு நேரில் சென்று பார்வையிட்ட ...
• 
  ஆலியா பட் சண்டை காட்சிகள்: ஆச்சரியப்பட்ட பாபி தியோல்
• 
  'டான் 3' சர்ச்சையை சமரசமாக முடிக்க ரன்வீர் சிங் முயற்சி
• 
  நீதிமன்றத்தில் உறுதி அளித்தபடி சாமுண்டீஸ்வரி கோவிலில் வழிபட்ட ரன்வீர் ...

• 
  'கருப்பு' வெளிநாட்டு வசூல் : 7 மில்லியன் யுஎஸ் டாலர்
• 
  ஏ.ஆர்.ரஹ்மானுக்கு நன்றி சொல்லும் ராம் சரண் ரசிகர்கள்
• 
  மலையாள படத்தில் சிறப்பு தோற்றத்தில் நடித்த லோகேஷ் கனகராஜ்
• 
  சமந்தாவின் மா இண்டி பங்காரம் படத்திற்கு போட்டியாக களமிறங்கும் மூன்று ...
• 
  விஷாலுக்கும் சேர்த்து வேலை பார்ப்பேன் : அமைச்சர் ராஜ்மோகன்