இல்லாத மகளைப் பற்றி மகன் கேட்டால் என்ன சொல்வேன்? - நவ்யா நாயர் கிண்டல் | ரிவால்வர் ரீட்டா படப்பிடிப்பு நிறைவு | பகலறியான்: ஒரே இரவில் நடக்கும் கதை | 'லயன் கிங்' அடுத்த பாகம் தயாராகிறது: டிசம்பரில் ரிலீஸ் | ரசவாதியில் சித்த வைத்தியரின் கதை : சாந்தகுமார் | எம்.ஜி.ஆர் மாதிரி செயல்படுவேன்: 10 டிராக்டர் வழங்கி ராகவா லாரன்ஸ் பேச்சு | தயாரிப்பு நிறுவனம் தொடங்கிய நெல்சன் | நாக சைதன்யா, பூஜா ஹெக்டேவை இயக்கும் விருபாக்ஷா இயக்குனர் | ஜூன் 13ல் வெளியாகும் ‛இந்தியன் 2' | தெலுங்கிற்கே முன்னுரிமை தரும் 'குபேரா' குழு |
பாண்டிராஜ் இயக்கிய கதகளி, இது நம்ம ஆளு, பசங்க 2 ஆகிய படங்கள் கமர்ஷியலாக வெற்றியடைவில்லை. எனவே அடுத்தப்படம் இயக்குவதில் அவருக்கு பின்னடைவு ஏற்பட்டது. சின்ன இடைவெளிக்குப் பிறகு தற்போது கார்த்தி நடித்து படத்தை இயக்கி வருகிறார் பாண்டிராஜ்.
இந்த படத்தில் கார்த்தியுடன் சாயிஷா கதாநாயகியாக நடிக்க, சத்யராஜ், சூரி, ப்ரியா பவானி சங்கர், மௌனிகா, ஸ்ரீமன், பானுப்ரியா உள்ளிட்ட பலர் நடிக்கிறார்கள். இந்தப் படத்துக்கு 'கடைக்குட்டி சிங்கம்' என்று சில தினங்களுக்கு முன் பெயரிடப்பட்டுள்ளது.
இதன் பஸ்ட் லுக் போஸ்டரை சூர்யா வெளியிட்டார். 'தீரன் அதிகாரம் ஒன்று' படத்தை தொடர்ந்து கார்த்தி நடிக்கும் இந்த படத்தை சூர்யாவின் '2D என்டர்டெயின்மென்ட்' நிறுவனம் தயாரிக்கிறது.
கார்த்தியை வைத்து சூர்யா தயாரிக்கும் முதல் படம் இது. இந்த படத்திற்கு டி.இமான் இசை அமைக்கிறார். கார்த்தி நடிக்கும் படத்திற்கு டி.இமான் இசை அமைப்பது இதுவே முதல் முறை!
இப்படத்தின் முதல்கட்ட படப்பிடிப்பு தென்காசியை சுற்றியுள்ள பகுதிகளில் நடந்து முடிந்துள்ளது. எனினும் 'கடைக்குட்டி சிங்கம்' படத்தின் கதைக்களம் புதுக்கோட்டை மாவட்டம் என்றும், படத்தில் நெடுவாசல் கிராமத்தில் நடைபெற்ற ஹைட்ரோ கார்பன் பிரச்சனைகள் எல்லாம் இடம்பெறுகிறது என்றும் தகவல் அடிபடுகிறது.