பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் | கள்ளழரை அருகில் கண்ட பேரானந்தத்தில் சூரி | ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா | 10 மில்லியன் பார்வையாளர்களை கடந்த ‛இனிமேல்' ஆல்பம் | டில்லியில் தக்லைப் படக்குழு : கமல் - சிம்பு - கவுதம் கார்த்திக் பங்கேற்பு | கார் விபத்து வழக்கு - நீதிமன்றத்தில் ஆஜரான யாஷிகா | 'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் |
தெலுங்கு இண்டஸ்ட்ரியினரை வாய்பிளக்க வைத்திருக்கிறது நேற்று அங்கே வெளியான மோகன்லாலின் 'புலி முருகன்' படத்திற்கு கிடைத்த மாஸ் ஒப்பனிங்கும் வரவேற்பும். மலையாளத்தில் பம்பர் ஹிட் அடித்த இந்தப்படம் சுமார் 125 கோடி வசூலை வாரிக்குவித்துவிட்டு, அதீத எதிர்பார்ப்புடன் தெலுங்கில் 'மான்யம் புலி' என்கிற பெயரில் நேற்று வெளியானது.. ஏற்கனவே ஜூனியர் என்.டி.ஆருடன் இணைந்து நடித்திருந்த ஜனதா கேரேஜ் படம் மோகன்லாலுக்கென தெலுங்கில் ஒரு ரசிகர் வட்டத்தை உருவாக்கி விட்டதால் ஆந்திரா, தெலுங்கானா இரண்டிலும் சேர்த்து சுமார் 350 தியேட்டர்களில் 'மான்யம் புலி' ரிலீஸ் செய்யப்பட்டது.
மலையாளத்தில் இருந்து வெளியான ஒரு டப்பிங் படத்திற்கு இவ்வளவு மாஸ் ஒப்பனிங் கிடைத்திருப்பது இதுதான் முதன்முறை என்று சொல்கிறார்கள்.. அதற்கு சாட்சியாக பல தியேட்டர்களிலும் க்யூவில் கால்கடுக்க நின்று டிக்கெட் வாங்கிய ரசிகர்களை காண முடிந்தது. பல இடங்களில் காட்சிகள் ஹவுஸ்புல் ஆனதால் இன்றிலிருந்து காட்சிகளின் எணிக்கை அதிகரிக்கப்பட்டிருப்பதாகவும் சொல்லப்படுகிறது. இந்தப்படத்தில் தெலுங்கு நடிகர் ஜெகபதிபாபு வில்லனாக நடித்திருக்கிறார் என்றாலும் கூட, ரசிகர்களை நேற்று தியேட்டர்களுக்கு வரவழைத்தது நிச்சயமாக மோகன்லால் தான் என்கிறார்கள் தியேட்டர்காரர்கள்.. ஆக தெலுங்கிலும் தனது ஆதிக்க எல்லையை விரிவுபடுத்துகிறார் மோகன்லால்.