Dinamalar

ரஞ்சித் படத்துக்காக காசர்கோடு பாஷை பேசும் மம்முட்டி..!

சென்னை, மதுரை, கோவை, நெல்லை, தஞ்சை என தமிழ்நாட்டில் புழக்கத்தில் இருக்கும் பல பாஷைகளில் நம்ம ஊர் ஹீரோக்கள் பேசுவதைப்போல மலையாள சினிமாவிலும் கோழிக்கோடு, திருவனந்தபுரம்,காஞ்சிரப்பள்ளி, பாலக்காடு, திருச்சூர், கண்ணூர், காசர்கோடு, கொல்லம் ஆகிய பகுதிகளில் புழக்கத்தில் இருக்கும் பாஷைகள் பிரபலமானவை தான். சில பாஷைகள் கேட்பதற்கே வித்தியாசமாக இருக்கும். சொல்லப்போனால் இன்னொரு பகுதியில் வசிக்கும் மலையாளிகளே அவற்றை புரிந்துகொள்ள சில நேரம் சிரமப்படுவார்கள். மலையாளத்தில் எவர்கிரீன் சூப்பர்ஹிட் என்று சொல்லப்படுகிற 'ராஜாமாணிக்கம்' படத்தில் மம்முட்டி பேசிய திருவனந்தபுரம் பாஷையை ரசிக்காதவர் கேரளாவில் பாக்கி இருக்கமாட்டார்கள்.

இப்போது மம்முட்டி தான் புதிதாக நடித்துவரும் 'புத்தன் பணம்' (புதிய பணம்) என்கிற படத்தில் காசர்கோடு பாஷை பேசுகிறார்.. நித்யானந்தா ஷெனாய் என இந்தப்படத்தில் இவரது கதாபாத்திரத்தின் பெயரே வித்தியாசமாக இருக்கிறது.. இந்தப்படத்தை மம்முட்டியின் ஆஸ்தான இயக்குனர்கள் பட்டியலில் முதலிடத்தில் இருப்பவரான ரஞ்சித் தான் இயக்குகிறார்.. இவர்தான் மம்முட்டியை 'பிரஞ்சியேட்டன் தி செய்ண்ட்' படத்தில் திருச்சூர் பாஷையையும், 'பாலேரி மாணிக்கம்' படத்தில் கோழிக்கோடு பாஷையையும் பேசவைத்தவர் என்பது இங்கே குறிப்பிடத்தக்கது.

• 
  நடிகர் பிரித்விராஜின் தார்யா ஹிந்தி படப்பிடிப்பு நிறைவு
• 
  புகையிலை விளம்பரத்திற்கு ரூ.40 கோடி: தைரியமாக மறுத்த சுனில் ஷெட்டி
• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்

• 
  நானி படத்தில் இணையும் பிரித்விராஜ்!
• 
  மீண்டும் ஒரு தெலுங்கு படத்தை ஒப்பந்தம் செய்த துல்கர் சல்மான்!
• 
  திரிஷ்யம் முதல் பாகத்தின் பார்முலாவில் உருவாகும் 3ம் பாகம் : ஜீத்து ஜோசப் ...
• 
  விவாகரத்துக்கு பிறகும் ஒற்றுமையாக வலம் வரும் பிரியதர்ஷன் லிசி தம்பதி
• 
  ரூ.50 கோடி வசூல் கிளப்பில் இணைந்த சர்வம் மாயா