Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

பிளாஷ்பேக்: நாடோடி மன்னனை உருவாக்கிய உத்தம புத்திரன்

06 அக், 2016 - 11:08 IST
எழுத்தின் அளவு:
Nadodi-Mannan-made-by-Uthamaputhiran

மக்கள் திலகம் எம்.ஜி.ஆர் நடித்து, இயக்கிய நாடோடி மன்னன் தமிழ் சினிமாவின் முக்கியமான மைல் கல். அந்தப் படம் உருவாக காரணமாக இருந்தது சிவாஜி நடித்த உத்தம புத்திரன் என்றால் நம்ப முடிகிறதா... தொடர்ந்து படியுங்கள்...

1940ம் ஆண்டு பி.யூ சின்னப்பா இரண்டு வேடங்களில் நடித்த உத்தம புத்திரன் பெரிய வெற்றி பெற்றது. அந்த படத்தை மார்டன் தியேட்டர்ஸ் தயாரித்தது. அதன் பிறகு அதே உத்தம புத்திரனை மீண்டும் தயாரிக்க வீனஸ் பிக்சர்ஸ் விரும்பியது. டி.பிரகாஷ்ராவ் இயக்க, நடிகர் திலகம் சிவாஜி, பத்மனி, எம்.என்.நம்பியார், கண்ணாம்பா, தங்கவேலு நடிப்பது என்று முடிவானது. இதற்கான உரிமத்தை மார்டன் தியேட்டர்ஸிடமிருந்து வீனஸ் பிக்சர்ஸ் பெற்றிருந்தது. இதே நேரத்தில் மக்கள் திலகம் எம்.ஜி.ஆர் உத்தம புத்திரன் என்ற தலைப்பில் ஒரு படத்தில் நடிக்க முடிவு செய்திருந்தார். ஆனால் இது பி.யூ.சின்னப்பா நடித்த கதை அல்ல. அதேபோன்ற வேறு மாதிரியான கதை.

ஒரு நாள் பத்திரிக்கையில் "எம்.ஜி.ஆர் இரண்டு வேடங்களில் நடிக்கும் உத்தபுத்திரன்" என்றும். "சிவாஜி இரண்டு வேடங்களில் நடிக்கும் உத்தமபுத்திரன்" என்றும் விளம்பரம் வந்தது. இது எம்.ஜி.ஆருக்கு அதிர்சியையும், கோபத்தையும் உண்டாக்கியது. "நமது உத்தமபுத்திரன் படத்தை டிராப் பண்ணிவிடுங்கள். நான் இரண்டு வேடங்களில் நடிப்பது மாதிரி வேறொரு கதை தயார் செய்யுங்கள்" என்று ஆர்.எம்.வீரப்பன் தலைமையிலான கதை இலாகாவுக்கு உத்தரவிட்டார்.

எம்.ஜி.ஆரின் இந்த திடீர் உத்தரவை நிறைவேற்ற முடியாமல் கதை இலாகா தவித்தது. அப்போது எம்.ஜி.ஆர், தான் பார்த்த இஃப் ஐ வேர் கிங் என்ற ஆங்கிலபடத்தின் கதையை கூறி இந்த கதையை ஒன்-லைனாக வைத்துக் கொண்டு திரைக்கதை அமையுங்கள் என்றார். அந்த கதைதான் நாடோடி மன்னனாக உருவானது. இதில் பானுமதி ஹீரோயின். இன்னொரு ஹீரோயினாக சரோஜாதேவி நடித்தார். பி.எஸ்.வீரப்பா, நம்பியார் வில்லன்கள்.

படத்தை முதலில் கே.ராம்நாத் இயக்குவதாக இருந்தது. படம் தொடங்க இருந்த நேரத்தில் ராம்நாத் திடீரென இறந்துவிட எம்.ஜி.ஆரே இயக்கினார். அவர் இயக்கிய முதல் படம் இது. சிவாஜி நடித்த உத்தமபுத்திரன் 1958ம் ஆண்டு பிப்ரவரி மாதம் வெளியானது. எம்.ஜி.ஆரின் நாடோடி மன்னன் 5 மாதங்களுக்கு பிறகு ஆகஸ்ட் மாதம் வெளிவந்தது. இரண்டுமே வெள்ளி விழா படங்கள்தான். ஆனாலும் நாடோடி மன்னன்தான் வசூல் சாதனை படைத்தது.

Advertisement
கருத்துகள் (2) கருத்தைப் பதிவு செய்ய
கார்த்தியின் பெயர்தான் 'காஷ்மோரா' ?கார்த்தியின் பெயர்தான் 'காஷ்மோரா' ... வேதாளம் மீண்டும் முருங்கை மரம் ஏறியது - ஏஏஏ-விலும் பஞ்சாயத்து வேதாளம் மீண்டும் முருங்கை மரம் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து (2)

gkrishna - chennai,இந்தியா
19 ஏப், 2018 - 11:45 Report Abuse
gkrishna chennai casino thirai arangil 100 naatgal kadantha verri chitram uthama puthiran
Rate this:
Arumugam - Paris,பிரான்ஸ்
06 அக், 2016 - 14:13 Report Abuse
Arumugam சிவாஜி கணேசன் நடித்த உத்தம புத்திரன் தோல்வி படமாக அமைந்தது. ஒரே டைடிலில் இரண்டாவதாக எடுக்கும் மற்றொரு படம் பெரும்பாலும் தோல்வி படமாகத்தான் அமையும். இது எல்லா நாட்டு மொழிப் படங்களுக்கும் பொருந்தும்.
Rate this:

உங்கள் கருத்தைப் பதிவு செய்ய

Login :
OR )Login with
New to Dinamalar ?
(Press Ctrl+g or click this   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Maari 2
    • மாரி 2
    • நடிகர் : தனுஷ்
    • நடிகை : சாய் பல்லவி ,வரலெட்சுமி
    • இயக்குனர் :பாலாஜி மோகன்
    Tamil New Film Dev
    • தேவ்
    • நடிகர் : கார்த்தி
    • நடிகை : ரகுல் ப்ரீத்தி சிங்
    • இயக்குனர் :ரஜத் ரவிஷங்கர்
    Tamil New Film Adangamaru
    • அடங்கமறு
    • நடிகர் : ஜெயம் ரவி
    • நடிகை : ராஷி கண்ணா
    • இயக்குனர் :கார்த்திக் தங்கவேல்
    Tamil New Film Yang Mang Chang
    • யங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff-2018

    Tweets @dinamalarcinema

    Advertisement
    Copyright © 2018 Dinamalar , No.1 Tamil website in the world. All rights reserved. Mail as Your Suggestion to webmaster@dinamalar.in