Dinamalar

கபாலியை வாங்கிய ஜாஸ் சினிமாஸ்

இன்னும் ஒரு சில நாட்களில் கபாலி படத்தின் கவுண்டவுன் ஸ்டார்ட் ஆக இருக்கிறது. அதாவது கபாலி படத்தின் ரிலீஸ் தேதி ஜூலை 15 என்று முடிவு செய்யப்பட்டுவிட்டது. என்றாலும் இன்னும் படம் சென்சாருக்கு செல்லவில்லை என்பதால் ரிலீஸ் தேதியை இன்னும் அதிகாரபூர்வமாக அறிவிக்காமல் இருக்கிறார் தாணு.

இன்னொரு பக்கம், கபாலி படத்தின் இறுதிக்கட்ட வேலைகள் பரபரப்பாக நடைபெற்று வருகின்றன. போஸ்ட் புரொடக்ஷன் பணிகள் இந்த வார இறுதியில் முடிவடைந்ததும் சென்சாருக்கு படத்தை அனுப்ப திட்டமிட்டிருக்கிறாராம் தயாரிப்பாளர் தாணு. தமிழ், தெலுங்கு, ஹிந்தி, மலாய் என நான்கு மொழிகளில் ஒரே நேரத்தில் உலகமெங்கும் வெளியாகவிருக்கும் 'கபாலி' படத்தின் வியாபாரம் குறித்து வரும் செய்திகள் திரையுலகினரை மலைக்க வைத்துக் கொண்டிருக்கின்றன.

லேட்டஸ்ட்டாக கிடைத்த தகவலின்படி, 'கபாலி' படத்தின் தமிழக வெளியீட்டு உரிமையை ஜாஸ் சினிமாஸ் நிறுவனம் கைப்பற்றியுள்ளது. விநியோகத்துறையில் கடந்த வருடம் கால் பதித்த 'ஜாஸ் சினிமாஸ்' நிறுவனம் வெளியிட்ட முதல் திரைப்படம் அஜித் நடித்த 'வேதாளம்'. அதோடு சமீபத்தில் வெளியான 'இறைவி', 'வேலைன்னு வந்துட்டா வெள்ளக்காரன்' ஆகிய படங்களின் சென்னை வெளியீட்டு உரிமையையும் ஜாஸ் சினிமாஸ் நிறுவனமே வாங்கியது. இப்போது மிகப்பெரிய தொகை கொடுத்து 'கபாலி' படத்தின் தமிழக வெளியீட்டு உரிமையை வாங்கி இருக்கிறதாம் ஜாஸ் சினிமாஸ் நிறுவனம்.

• 
  ஆக் ஷன் ஹீரோக்கள் மீதான மரியாதை அதிகரித்துள்ளது : கஜோல்
• 
  ராமோஜிராவ் பிலிம் சிட்டி குடும்பம் குழந்தைகளுடன் தங்குவதற்கு ...
• 
  ஆமிர்கான் படத்திற்கு மகேஷ்பாபு பாராட்டு
• 
  முன்னாள் கணவருக்கு இறுதி அஞ்சலி செலுத்திய கரிஷ்மா கபூர்
• 
  அமீர்கான் படக்குழுவினரை நேரில் சந்தித்து உற்சாகப்படுத்திய ஷாருக்கான்

• 
  பிளாஷ்பேக்: மார்க்கெட் இழந்ததால் வெளிவராத விஜயன் படம்
• 
  பிளாஷ்பேக்: சரஸ்வதி சபதம் உருவாக காரணமான 'கலாவதி'
• 
  கூலி படத்திலிருந்து 'சிக்கிட்டு' பாடல் வெளியீடு
• 
  போதை பொருள் வழக்கு : கிருஷ்ணாவிடம் போலீசார் விசாரணை
• 
  ஹாலிவுட்டில் அறிமுகமாகிறார் நடிகை வரலட்சுமி