முத்திரை பதிக்கிறார்களா ஏ.ஆர்.முருகதாஸ் உதவியாளர்கள் ?

03 மார், 2016 - 05:46 IST

0 கருத்துகள் கருத்தைப் பதிவு செய்ய

எழுத்தின் அளவு:

தமிழ்த் திரையுலகில் தற்போதைக்கு டாப் இயக்குனர்கள் பட்டியலில் இருப்பவர்கள் ஒரு சிலர்தான். ஒவ்வொருவருக்கும் தனித் தனியான தனித் தன்மை உண்டு என்றாலும் அவர்கள் திரைப்பட ரசிகர்களால் கொண்டாடப்பட்டு வருகிறார்கள். அவர்களில் மணிரத்னம், ஷங்கர், பாலா, ஏ.ஆர்.முருகதாஸ், கௌதம் மேனன், வெற்றி மாறன் என இன்னும் சிலரையும் உதாணரமாகச் சொல்லலாம்.

மணிரத்னத்தின் உதவியாளராக இருந்தவர்களில் தற்போதைக்கு ஒரு பெரிய வெற்றிப் படத்தைக் கொடுத்தவர் 'இறுதிச் சுற்று' படத்தை இயக்கிய சுதா கொங்கரா. வெற்றி மாறன் உதவியாளர் ரவி அரசு 'ஈட்டி' வெற்றிப் படத்தை இயக்கினார். மற்ற இயக்குனர்களின் உதவியாளர்களை விட இயக்குனர் ஏ.ஆர்.முருகதாஸிடம் உதவியாளர்களாகப் பணியாற்றிய சிலர் தற்போதைக்கு முத்திரை பதித்து வருகிறார்கள். இது தொடர்பாக சமூக வலைத்தளங்களில் கூட சில நாட்களாக சில மீம்ஸ்கள் வலம் வந்து கொண்டிருந்தன.

அதர்வா நடித்து கடந்த வாரம் வெளியான 'கணிதன்' படத்தை இயக்கி டி.என்.சந்தோஷ் இயக்குனர் ஏ.ஆர்.முருகதாஸின் உதவியாளர். 'அரிமா நம்பி' படத்தை இயக்கி தற்போது விக்ரம், நயன்தாரா நடிக்கும் 'இரு முகன்' படத்தை இயக்கி வரும் ஆனந்த் சங்கர், 'மான் கராத்தே' சமீபத்தில் வெளிவந்த 'கெத்து' படத்தை இயக்கிய திருக்குமரன், கடந்த ஆண்டு வெளிவந்து குறிப்பிடத்தக்க வெற்றியைப் பெற்ற 'டிமான்ட்டி காலனி' படத்தை இயக்கிய அஜய் ஞானமுத்து, 'எங்கேயும் எப்போதும், இவன் வேற மாதிரி, வலியவன்' ஆகிய படங்களை இயக்கிவரும் தற்போது கன்னடத்தில் புனித் ராஜ்குமார் நடிக்கும் 'சக்கர வியூகா' படத்தை இயக்கி வரும் சரவணன் ஆகிய அனைவருமே ஏ.ஆர்.முருகதாஸின் உதவியாளர்கள். இவர்கள் அனைவருமே வித்தியாசமான கதைகளாலும், அதைப் படமாக்கிய விதத்தாலும் இன்றைய இளம் ரசிகர்களைக் கவர்ந்தவர்களாக இருக்கிறார்கள்.

ARMurugadoss

Saravanan

TNSanthosh

AnandShankar

Thirukumaran

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய