தில்லு முல்லு ரிலீஸ் சிக்கல் தீர்ந்தது

13 ஜூன், 2013 - 05:33 IST

0 கருத்துகள் கருத்தைப் பதிவு செய்ய

எழுத்தின் அளவு:

தில்லு முல்லு படத்தை தடை செய்ய கோரி விசு தாக்கல் செய்த மனுவை நீதிபதி நிராகரித்தார். இதனால் படம் எவ்வித பிரச்னையும் இல்லாமல் ரிலீஸ் ஆக இருக்கிறது. பாலசந்தர் இயக்கத்தில், ரஜினி நடிப்பில், 1981-ம் ஆண்டு வெளிவந்த சூப்பர்-டூப்பர் ஹிட் காமெடி படம் "தில்லு முல்லு". இப்படத்திற்கு நடிகரும், இயக்குனருமான விசு திரைக்கதை, வசனம் எழுதி இருந்தார். இப்படம் அதேபெயரில் இப்போது ரீ-மேக் ஆகியுள்ளது. மர்ச்சி சிவா ரஜினி ரோலிலும், மாதவி ரோலில், இஷா தல்வாரும் நடிக்கின்றனர். பத்ரி இப்படத்தை இயக்கியுள்ளார். இப்படம் நாளை(ஜூன் 14ம் தேதி) ரிலீஸ் ஆக உள்ளது.

இந்நிலையில் தில்லு முல்லு படத்தை தடை செய்ய வேண்டும் என்று சென்னை ஐகோர்ட்டில் விசு வழக்‌கு ஒன்றை தொடர்ந்தார். அதில், , தில்லு முல்லு படத்துக்கு நான் தான் திரைக்கதை, வசனம் எழுதியுள்ளேன். தற்போது அந்த படத்தை "தில்லு முல்லு 2" என்ற பெயரில் உருவாகியுள்ளது. இதற்கு என்னிடம் அனுமதி கேட்கவில்லை. எனவே "தில்லு முல்லு 2" படத்துக்கு தடை விதிக்க வேண்டும் என்று அதில் தெரிவித்திருந்தார். இந்த வழக்கு நீதிபதி சுதாகரன் முன்பு விசாரணைக்கு வந்தது.

அப்போது வேந்தர் மூவிஸ் சார்பில் இவ்வழக்கில் ஆஜரான வக்கீல் நடராஜன் கூறுகையில், தில்லு முல்லு படத்தை தயாரித்த நிறுவனத்துக்கு உரிய பணத்தை கொடுத்து அவர்களின் ஒப்புதல் பேரில் தான் இப்படத்தை இயக்கியுள்ளனர். மேலும் விசுவின் திரைக்கதை மற்றும் வசனத்தை இப்படத்தில் பயன்படுத்தவில்லை என்றார். இதனை ஏற்ற நீதிபதி படம் நாளை ரிலீஸ் ஆவதற்கு எந்த த‌டையும் இல்லை என்றார். மேலும் இதுதொடர்பாக வழக்கு விசாரணையை அடுத்த மாதம் ஜூலை 5ம் தேதிக்கு தள்ளி வைத்தார்.

Thillu Mullu

Release

problem

solved

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய