Dinamalar

பிளாஷ்பேக் : திரையில் காமெடி நடிகை, நிஜத்தில் ஹீரோயின்

தமிழ் சினிமாவை கலக்கிய நட்சத்திர காமெடி நடிகை எம்.சரோஜா. நாடகங்களில் நடித்துக் கொண்டிருந்த எம்.சரோஜா 1951ம் ஆண்டு 'சர்வாதிகாரி' படத்தில் எம்.ஜி.ஆர் ஜோடியாக நடித்தார். அதன்பிறகு சில படங்களில் கதாநாயகியாக நடித்தவர் பின்னர் காமெடிக்கு மாறினார். கல்யாண பரிசு, அறிவாளி, வணங்காமுடி, மருதநாட்டு வீரன் உளிட்ட 100க்கும் மேற்பட்ட படங்களில் நடித்தார்.

1950 முதல் 1958ம் ஆண்டு வரை தங்கவேலுக்கு ஜோடியாக மட்டும் 50 படங்களுக்கு மேல் நடித்தார். தொடர்ந்து நிஜத்திலும் அவரை காதலித்து வந்தார். கல்யாண பரிசு படம் இந்த ஜோடியின் காமெடி காட்சிகளால் பேசப்பட்டது. காமெடி காட்சிகள் மட்டும் தனி கேசட்டாகவே வெளிவந்தது.

இந்த படத்தின் 25வது வார வெற்றி விழாவின்போது மதுரை கோவிலில் இருவரும் திருமணம் செய்து கொண்டனர். அதன்பிறகும் இருவரும் சேர்ந்து நடித்தனர். தங்கவேலு மறைவுக்கு பிறகு நடிப்பதை நிறுத்திக் கொண்டார் எம்.சரோஜா. அதற்கு அவர் சொன்ன காரணம் இதுதான். ‛‛என்னுடைய கணவர் எனக்கு விட்டுட்டு போன சொத்து என்றால் நடிப்புதான். அந்த நடிப்பை விற்று நான் பணம் சம்பாதிக்க விரும்பவில்லை எவ்வளவோ பெரிய கம்பெனிகள் மற்றும் சின்ன கம்பெனிகள் நடிக்க அழைப்பு விடுத்தாலும் என் மனம் திரைப்படங்களில் நடிக்க அனுமதிப்பதில்லை'' என்றார்.

திரையில் காமெடி நடிகையாகவும், நிஜத்தில் காதல் ஹீரோயினாகவும் வாழ்ந்த எம்.சரோஜா 2012ம் ஆண்டு தனது 82வது வயதில் காலமானார்.

• 
  ‛தூரான்தர்' படத்தின் வசூல் நிலவரம்!
• 
  மலேசியாவில் ரசிகர்களுடன் புகைப்படம் எடுத்த அஜித்
• 
  தர்மேந்திரா பிறந்தநாளில் ரசிகர்களின் பார்வைக்காக பண்ணை வீடு திறப்பு
• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'

• 
  ஜி.வி.பிரகாஷின் ‛ஹேப்பி ராஜ்' படத்தின் பர்ஸ்ட் லுக் போஸ்டரை வெளியிட்ட ...
• 
  என்னைப் பற்றி மாதம் ஒரு வதந்தியை பரப்புகிறார்கள்! கோபத்தை ...
• 
  திருமண கோலத்தில் அம்மாவுடன் எடுத்துக் கொண்ட நெகிழ்ச்சி புகைப்படத்தை ...
• 
  சூர்யா 47வது படத்தின் பூஜையுடன் அறிவிப்பு!
• 
  பிளாஷ்பேக்: இரண்டு முறை திரைப்பட வடிவம் பெற்ற மேடை நாடகம் “குமஸ்தாவின் ...